Jueces 8:24 - Chayahuita (Shahui)

²⁴ Pëꞌtëhuëratëroꞌsa inimico osërëtëramasoꞌ tëhuënchinsoꞌ quëshico, itërin. (Inimico sontaroꞌsasoꞌ inotëro parti yaꞌhuëpi. Ina niꞌtonaꞌ, inanpi pëꞌtëhuëratëroꞌsa oro quëran pëꞌtënpi.)

Jueces 8:24 ပူးပေါင်းရင်းမြစ်များ

Génesis 24:22

Camiyoroꞌsa nani oꞌopachinara, Apraan piyapinënsoꞌ, oro quëran poꞌmoitëra pochin nipisoꞌ manin. Saota cramo pochin quëꞌninsoꞌ. Ina masahuaton, Nipica nitëananënquë aꞌtëntërin. Naporahuaton cato aꞌsontanpa oro quëran nipisoꞌ, quëtërin. Aꞌnaya aꞌnaya pasa naꞌcon cramo quëꞌninsoꞌ, quëtërin.

Génesis 24:53

Ina quëran notohuaroꞌ maꞌsha quëninsopita oꞌquirin. Oro quëran, prata quëran, ina quëranpita nipisoꞌ, Nipica nicanarin. Aꞌmocasontaꞌ, paꞌton nininsopita quëtërin. Aꞌshin, yoꞌin, inapitanta notohuaroꞌ maꞌsha paꞌton nininsopita quëtërin.

Génesis 25:12

Shaꞌhuitëranquëmaso chachin, Apraan Acaraquëya huiꞌnahuanpachina, Ismairo itopi. Acarasoꞌ, iquipitoron. Sara piyapinën. Ismairo huiꞌninpitasoꞌ, isopita:

Génesis 25:13

Paninantërinsoꞌ Nipayo itërin. Ina piquëran niantapisopitasoꞌ: Sitaro, Atipiri, Mipisan, Misma, Toma, Masa, Atar, Tima, Quitoro, Nahui, Sitima inapita.

Génesis 35:4

Napotohuachina, nisha nisha mamanshinëna moshapiso quëshipi. Pëꞌtëhuëratëroꞌsanta moshapiso quëshipi. Yaꞌipi inapita Cacopori Siquimo ninano yaꞌcariꞌ, paꞌpitërin. Aꞌnara insina nara pirayan, paꞌpitërin.

Génesis 37:25

Inapotahuatonaꞌ, coshatapi huachi. Coshatasoi niꞌpirinahuëꞌ, aꞌna huëntonaꞌ Ismairo nicatonoꞌsaꞌ, nioshirin huëꞌsapi. Carata parti quëran huëꞌsapi. Camiyonënaquë, pimo huaꞌsairoꞌsaꞌ, parsamo nimirio, pimo yaquiꞌ, inapita quësapi. Iquipitoquë paꞌanaponaꞌ, quëparapi.

Génesis 37:28

Nicatonoꞌsa inataquëchin naꞌhuërahuachinara, iinpitari Cosi ocoipi. Yaninantë poso quëran ocoirahuatonaꞌ, nicatonoꞌsa paꞌantopi. Cato shoncatë coriqui pahuërëtohuachinara, Iquipitoquë quëpapi huachi.

Éxodo 32:3

Napotohuachina yaꞌipiya quëran quëpatopi.

Éxodo 32:4

Aaronsoꞌ ina masahuaton, asoquirin. Nani soquihuachina huaꞌnatëquë sacataton, toroaꞌhuaya nonanin. Tënihuachina yaꞌipiya quëran nonca topi: —¡Iso mini yosënënpoa Iquipito quëran ocoirinpoasoꞌ! topi.

Éxodo 32:8

Pënënahuësopita naniantatonaꞌ, aꞌnaroáchin pëshonpi huachi. Oro asoquirahuatona moshacaiso marëꞌ, toroaꞌhuaya nonanpi. Ina chinotacaiso marëꞌ pëꞌtahuanëna tëparahuatonaꞌ, ahuiquitopi. Nani chinotahuatonaꞌ: “¡Iso mini yosënënpoa Iquipito quëran ocoirinpoasoꞌ!” toconpi, itërin.

Jueces 8:25

Napotohuachina, aꞌnara aꞌmopiso huëtopi. Inaquë pëꞌtëhuëratëroꞌsa mapisoꞌ acopi. Acorahuatona itaponaꞌ: —Maꞌtana huachi maquëꞌ, itopi.