Jueces 8:10 - Chayahuita (Shahui)

¹⁰ Sipa, Sarmona, inapitasoꞌ, Caracoro ninano itopiquë yaꞌhuërapi. Shonca aꞌnatërápo huaranca sontaronënapitarëꞌ inaquë nisapi. Inaíchin quëparitopi. Nani pasa cato shonca huaranca sontaroꞌsa chiminpi.

Jueces 8:10 ပူးပေါင်းရင်းမြစ်များ

Isaías 9:4

Piyapinënpita huaꞌanëntatona aparisitopirinahuëꞌ, quëmari nichaꞌëran. Inapotahuaton co huachi inimiconënpitari aparisitápaiso quëtëranhuëꞌ. Matianoꞌsa iráca ataꞌhuantëranso pochin inimiconënpita minsëran.

Jueces 6:5

Nëꞌmëtë pëinënarë chachin huëꞌpi. Pëꞌtahuanënapitanta quëpi. Inapitarë chachin Israiro noꞌpaꞌ yaꞌcontatonaꞌ, yaꞌipi pëꞌyatopi. Camiyonënapitantaꞌ, huaꞌhuayátërahuë quëpi. Sëquërëꞌ yaꞌconquirinso pochin nipi.

Jueces 7:12

Matianoꞌsaꞌ, amaricoroꞌsaꞌ, piꞌi pipirinso parti yaꞌhuëroꞌsaꞌ, inapitaso motopianaquë yanquëquën yaꞌhuëquiapi. Sëquërëꞌ yaꞌconquirinso pochin niquipi. Camiyonënapitanta huaꞌhuayátërahuë niꞌton, inotëraꞌhuaya marë yonsanquë yaꞌhuërinso pochin naꞌapi.

Jueces 7:13

Quitiono, Pora, inapitasoꞌ, aꞌpaitoroꞌsa yaꞌhuëapiquë yaꞌcaritiimapi. Sontaro capini huaꞌnapiso nishaꞌhuitasoiꞌ, yaꞌcariimapi. Aꞌnasoꞌ, tapon: —Poꞌpin huaꞌnarahuë taꞌa. Aꞌnara pan sipata quëran nipisoꞌ, motopi quëran tanapitimararin. Yaꞌhuëarëhuaquë canquimarahuaton, aꞌnara nëꞌmëtë pëi ohuanquimarin. Ohuanquimaton tëꞌyatërin, tënin.

Jueces 8:11

Inotëro intontaquëchin ira paꞌninsoꞌ Quitionosoꞌ paꞌtërin. Nopa, Copia, inapita ninanoroꞌsa piꞌi pipirinso parti quëran acorahuaton, sontaronënpitarë chachin inimicoroꞌsa imarin. Nincantoonahuaton ahuërin. Co manta yonquiasoihuëꞌ, ahuërin.