Jueces 7:4 - Chayahuita (Shahui)

⁴ Inanaporaꞌ quëparitopirinahuëꞌ, Siniororiso itaantarin: “Naꞌcon chachin nisapi. Iꞌsha oꞌocaiso marëꞌ quëpaquëꞌ. Inaquë cari tëniarahuë. Ina piquëran shaꞌhuitaranquën inpitasona quëpamaso yaꞌhuërinsoꞌ,” itërin.

Jueces 7:4 ပူးပေါင်းရင်းမြစ်များ

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

Salmos 33:16

Panca sontaroꞌsa huënton tërantaꞌ, co copirnonëna nichaꞌësarinhuëꞌ. Chiníquënoꞌsa nipirinahuë tërantaꞌ, co inaora chaꞌëcaiso nanitapihuëꞌ.

Salmos 66:10

Napoaton ina nontato: “Quëmasoꞌ Yosënëhuëinquën. Prata asoquirëso pochin tënirancoi.

Jueces 7:5

Napotohuachina quëparin. Inaquë Siniorori anitotërin: “Iꞌsha imirina quëran maiatona niꞌnira pochin oꞌopisopita, nisha acoquëꞌ. Isonpi quëran piꞌpaitahuatona oꞌopisopitantaꞌ, nisha acoquëꞌ,” itërin.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.

1 Samuel 16:7

Inariso napoaponahuëꞌ, itapon: “Noyapintërinsoꞌ, naporopitërinsoꞌ, ama inasáchin nicaton noya niꞌquësohuëꞌ. Carisoꞌ, co ina nohuantërahuëꞌ. Piyapinquëmasoꞌ, aipi yaꞌnorinsoráchin nicatoma noya niꞌnamaꞌ. Caso nipirinhuëꞌ, acopo cancanën quëran yonquirinso nitotërahuë. Insosona noya yonquihuachina, noya niꞌnahuë,” itërin. Napotërin niꞌton, Samoiroso co Iriapo huayoninsohuëꞌ, nitotërin.