Jueces 7:2 - Chayahuita (Shahui)

² Naporoꞌ Siniorori, Quitiono itapon: “Notohuaroꞌ sontaroꞌsa quësaran. Ina nápo chachin ahuëtopiquë matianoꞌsa minsëamaso catahuahuatënquëmaꞌ, sontaronënpitasoꞌ nocantapi: ‘Co Yosë catahuapirincoihuëꞌ, quiyaora ahuëtatoi canatërai,’ tëcaponaꞌ.

Jueces 7:2 ပူးပေါင်းရင်းမြစ်များ

Génesis 46:2

Naporo tashi Yosëri huaꞌnarëso pochin yaꞌnotërin. Yaꞌnotahuaton, nininën quëran përarin: “Cacopo” itërin. Napotohuachina, inariso itapon: —Maꞌta Sinioro yaꞌhuarahuë, itërin.

Jeremías 9:23

Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Habacuc 1:16

Napoaton inapitasoꞌ, ritinënaꞌ, yoꞌnananënaꞌ, inapita moshapi. Inapita moshacaiso marëꞌ maꞌsharoꞌsa tëpapi. Yonarin pochin nininsontaꞌ, aꞌpëpi. ‘Inapita catahuarincoi niꞌton, naꞌa noya cosharo yaꞌhuëtërincoi,’ topi.

Romanos 11:18

Nipirinhuëꞌ, ama israiroꞌsaꞌ nocancosohuëꞌ. Ama: “Quiyasoꞌ noya noyacoi,” tocosohuëꞌ. Sëꞌpaquëni co nara achinirinhuëꞌ. Itëni achinirinsoꞌ.

Romanos 3:27

Napoaton co inso tëranta nocanacasoꞌ yaꞌhuërinhuëꞌ, tënahuë. Co pënëntërinsoꞌ natërëhuaso marëꞌ Yosë noya niꞌninpoahuëꞌ. Quisocristo naporinsoꞌ natërëhuaso marëꞌ nichaꞌërinpoaꞌ niꞌton, co aꞌnapita nocanacasoꞌ yaꞌhuërinhuëꞌ.

2 Corintios 4:7

Co quiyasoꞌ chiníquën nanantopiraihuëꞌ, Yosë nohuitatoi, aꞌnapitantaꞌ catahuarai ina nohuitacaiso marëꞌ. Niꞌcoꞌ. Yonsha, huëꞌëta, inapita noꞌpa quëran nipi niꞌton, co yaꞌhuëmiatërinhuëꞌ. Aꞌnaroáchin yaꞌquihuachina, co noyatërinhuëꞌ. Napoonin. Inapochachin quiyantaꞌ co chiníquën cancantopiraihuëꞌ, Yosë catahuarincoi nanamën aꞌchinaꞌhuaisoꞌ. Aꞌnapitantaꞌ natanatonacoi, yonquiapi. “Ma noyacha Yosëri catahuarin paya. Co catahuarinhuëꞌ naporini, co ina pochin nanichitonahuëꞌ,” tosapi.

Efesios 2:9

Co canpoara nanitërëhuahuëꞌ chaꞌëcasoꞌ. Napoaton co nocantacasoꞌ yaꞌhuërinhuëꞌ. “Casoꞌ noyaco niꞌto, Yosëꞌpaꞌ paꞌsarahuë,” co taꞌcasoꞌ yaꞌhuërinhuëꞌ.

Deuteronomio 32:27

Inapotohuatoso nipirinhuëꞌ, inimicoroꞌsa tëhuaponaco: “Quiyasoꞌ chini chiníquën nanantërai. Co Sinioro nohuantopirinhuëꞌ, israiroꞌsa tiquirai. ¡Ma noyacha ninai quiyaso paya!” tosapi. Napoaton co israiroꞌsa tiquicaisoꞌ nohuantërahuëꞌ.

Deuteronomio 8:17

‘Quiyaora sacatatoi yaꞌipi isopita maꞌsha canarai,’ ama tocosohuëꞌ.

Deuteronomio 8:18

Sinioro achinirinquëma niꞌton, sacatatoma nani maꞌsha maꞌpatëramaꞌ. Shimashonënpoapitarëꞌ anoyataton, shaꞌhuitërinsoꞌ nanicaso marëꞌ catahuarinquëmaꞌ. Ama ina naniantocosohuëꞌ.

Santiago 4:6

Sacaiꞌ Yosëíchin yonquicaso nipirinhuëꞌ, inari chachin inaora nohuanton catahuarinpoaꞌ ina pochin cancantacasoꞌ. “Caora noya ninahuë,” topatëhuaꞌ, co Yosë noya niꞌsarinpoahuëꞌ. Nipirinhuëꞌ, “Co caora nanitërahuëꞌ noya nicaꞌhuasoꞌ. Catahuaco Sinioro,” topatëhuaꞌ, Yosë catahuarinpoaꞌ. Nosoroatonpoaꞌ, catahuarinpoaꞌ, tënin Yosë quiricanënquë.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.