Jueces 7:19 - Chayahuita (Shahui)

¹⁹ Inapoaton Quitionosoꞌ pasa sontaronënpitarë chachin, inatohua canconin. Huancana tashi sontaroꞌsa aꞌpaitacaiso marëꞌ nani niyaꞌhuërëtasoi chachin canconpi. Naporoꞌ carniro pomonoꞌsa pihuirapi huachi. Yonsharoꞌsanta quëpapisoꞌ paꞌquiraꞌpiapi.

Jueces 7:19 ပူးပေါင်းရင်းမြစ်များ

Salmos 2:9

Huaꞌna huaraquë copirnoroꞌsa ataꞌhuantaran. Noꞌpaꞌ huëꞌëta nipatërëso pochin nitaran,’ itërinco,” tënin.

Salmos 90:4

Tëhuënchachin huaranca piꞌinta nipirinhuëꞌ, aꞌna tahuëriíchin pochin quëmarisoꞌ niꞌnan. Cara oraíchin tashi aꞌpaitopiso pochin niconin.

Éxodo 14:24

Imasapirinahuë tahuëri yaꞌcari nisapasoꞌ, Yosëri iquipitoroꞌsa maꞌsha onpotacaso yonquirin. Naporopi chitoro pën pochin yaꞌnorin quëran, panca maꞌsha onpotërin. Napoaton iquipitoroꞌsa panca paꞌyanpi.

Mateo 25:6

Huëꞌësoiꞌ, yono tashiꞌ aꞌnanaya chiníquën noninsoꞌ natanpi. ‘¡Maꞌtana, huëꞌsarin huachi! ¡Huënsëcoꞌ paꞌahuaꞌ nacapiaꞌahuaꞌ!’ nitopi.

1 Tesalonicenses 5:2

Iráca shaꞌhuitërinpoasoꞌ nani nitotëramaꞌ. Co nitotasoihuëꞌ, oꞌmantararin. Niꞌcoꞌ iyaroꞌsaꞌ. Yono tashiꞌ co nitotasëhuahuëꞌ, ihuatonaꞌpi pëinënpoaquë yaꞌconin. Inapochachin aꞌnanaya Quisocristo oꞌmantararin.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Jueces 7:16

Aꞌnaroáchin cara pasa sontaronënpita cara huënton acorin. Inapotahuaton carniro pomonoꞌsa quëtëraꞌpiarin. Yonsharoꞌsanta quëtërin. Inaanaquë yanatëtë iꞌchinpitopinan nani poꞌmopi.

Jueces 7:18

Ca pomontohuato, carëꞌ paꞌpisopitanta pomontaponaꞌ. Naporoꞌ canpitantaꞌ, matianoꞌsa tancapitërama quëran pomontahuatoma chiníquën: ‘¡yai!’ tocoꞌ: ‘¡Sinioro minsëarinquëmaꞌ! ¡Ina nohuanton Quitiononta minsëarinquëmaꞌ!’ tocoꞌ,” itërin.

Jueces 7:20

Cara huëntonoꞌsa chachin carniro pomonoꞌsa pihuipi. Yonsharoꞌsanta paꞌquiraꞌpiapi. Ahuënanëna quëran yanatëtëroꞌsa iꞌchinpitopisoꞌ, sëꞌquëpi. Inchinanëna quëraonta pomonoꞌsa sëꞌquëpi. Naporahuaton chiníquën, yaitopi: “¡Pashitoco huachi quëtochinaꞌahuaꞌ! ¡Sinioro nohuanton minsëtarihuaꞌ! ¡Quitiononta ina nohuanton catahuarinpoaꞌ!” topi.