Jueces 7:15 - Chayahuita (Shahui)

¹⁵ Ninapotopisoꞌ natanahuaton, Quitionoso Yosë chinotërin. Ina quëran israiroꞌsa chinotapiquë panantarahuaton, camaitërin: —¡Pashi toco paꞌahuaꞌ! Sinioro catahuararinpoa niꞌton, matianoꞌsa minsëarihuaꞌ, itontarin.

Jueces 7:15 ပူးပေါင်းရင်းမြစ်များ

Génesis 24:48

Ina quëran isonahuato, Sinioro chinotërahuë: “¡Ma noyanquëncha quëmasoꞌ Sinioro paya! Quëmaso Yosënquën, huaꞌanëhuë Apraan natërinquën. Noya quënanco niꞌton, noꞌtëquën canquirahuë. Huaꞌanëhuë huiꞌnin acoantacaso marëꞌ quëmopinën huiꞌnin chachin quëpatarahuë,” itërahuë, Sinioro chinotato.

Génesis 40:8

—Catocoi chachin huaꞌnapiraihuëꞌ, co insonta yaꞌhuërinhuëꞌ maꞌsona tapon huaꞌnaraiso anitotiincoisoꞌ, itopi. —¡Yosë mini nanitërin maꞌsona tapon huaꞌnarësopita anitotiinpoasoꞌ! Shaꞌhuitoco huaꞌnaramasoꞌ, itërin.

Génesis 41:11

Aꞌna tashisoꞌ catocoi chachin huaꞌnarai. Aꞌnaya aꞌnayacoi nisha nisha tapon huaꞌnarai.

Jueces 4:14

Naporoꞌ Tiporari Paraco itapon: —Pashi tëquë huachi. Ipora mini Sinioro catahuararinquën. Sisara sontaronënpitarë chachin minsëcamaso marëꞌ napotarinquën. Sinioro chachin quëchitaton quëma sontaronënpita maꞌsona nicacaisoꞌ anitotarin, itërin. Naporoꞌ Paracosoꞌ, Taporo motopi quëran nohuaramarin. Shonca huaranca sontaronënpitarë chachin oꞌmarin.

Jueces 7:11

Inaquë paꞌmahuatan maꞌsona nonpisoꞌ natanquëꞌ. Naporoꞌ chiníquën cancantaton, ahuëtaran huachi,” itërin. Napotohuachina, piyapinënë chachin inimicoroꞌsa yaꞌhuëapiꞌpaꞌ paꞌmarin. Aquë aquë aꞌpaitopisopita nisapiquë huarëꞌ yaꞌcariimapi.

Jueces 7:14

Napotohuachina aꞌnariso itapon: —Huaꞌnaransoso nipirinhuëꞌ, Coasë huiꞌnin Quitiono sahuëninën quëran ahuëinpoasoꞌ, tapon huaꞌnaran. Yosëri ina, sontaronënpitarë chachin catahuararin niꞌton, matianoꞌsanpoa minsëarinënpoaꞌ, tënin.

Jueces 7:16

Aꞌnaroáchin cara pasa sontaronënpita cara huënton acorin. Inapotahuaton carniro pomonoꞌsa quëtëraꞌpiarin. Yonsharoꞌsanta quëtërin. Inaanaquë yanatëtë iꞌchinpitopinan nani poꞌmopi.

Jueces 8:7

—Sinioro catahuararinco inapita masarahuë. Mapato, huënantararahuë. Huënantahuato inotëroquë nahuanoꞌsaꞌ, ihuatatëroꞌsaꞌ, inapita mariapo. ¡Inapitaquë oquërëpiaranquëmaꞌ! itërin Quitionori.

1 Samuel 1:28

Napoaton carintaꞌ, ina piyanën nicacaso marëꞌ acorahuë, itërin. Ina natanaton, Iriso isonin. Isonin quëran noꞌpaquë huarëꞌ monshorahuaton Sinioro chinotërin.

1 Samuel 14:12

Napoatonaꞌ: —¡Nanpëintarico nipachin ahuëtamaso aꞌchinchinquëmaꞌ! itopi chiníquën nontatonaꞌ. Naporoꞌ Conatani catahuarinsoꞌ itapon: —Huëquë imaco paꞌa. Sinioro catahuararinpo niꞌton, huiristinoꞌsa minsëari, itërin.