Jueces 7:11 - Chayahuita (Shahui)

¹¹ Inaquë paꞌmahuatan maꞌsona nonpisoꞌ natanquëꞌ. Naporoꞌ chiníquën cancantaton, ahuëtaran huachi,” itërin. Napotohuachina, piyapinënë chachin inimicoroꞌsa yaꞌhuëapiꞌpaꞌ paꞌmarin. Aquë aquë aꞌpaitopisopita nisapiquë huarëꞌ yaꞌcariimapi.

Jueces 7:11 ပူးပေါင်းရင်းမြစ်များ

Génesis 24:14

Insoso nanon: ‘Yonshanën chinohuaraquëꞌ, canta piꞌpiyan iꞌsha oꞌopainquën,’ itohuato: ‘Oꞌoquë api, camiyonënpitanta machi oꞌoinaꞌ,’ ichinco. Ina quëran piyapinën Isaco marëꞌ sanapi huayonansoꞌ, nohuitarahuë. Ina pochin nitohuachinco: Tëhuënchachin huaꞌanëhuë Yosëri nosoroaton catahuarin, tosarahuë,” itërin.

Éxodo 13:18

Ichipëshonahuaton, conicaiso marëꞌ Quëhuaiꞌ marë parti quëparin. Inotëro parti ira paꞌninso paꞌtopi. Sontaroꞌsa pochin, israiroꞌsa Iquipito quëran pipipi.

Efesios 3:16

Napoaton canpita yonquiatënquëmaꞌ, Yosë nontërahuë. “Quëmasoꞌ Sinioro chini chiníquën nanantëran. Noya noyanquën niꞌton, imarinënsopita nosoroaton, catahuaquëꞌ chiníquën cancanchinaꞌ. Ispirito Santori achinicancain noya noya imainënquën.

Efesios 6:10

Nani iyaroꞌsaꞌ pënënanquëmaꞌ. Yosë imatomaꞌ, nani tahuëri ina nontocoꞌ achinicancainquëmaꞌ. Inasoꞌ chini chiníquën nanantaton, yaꞌipi nanitaparin niꞌton, catahuarinquëmaꞌ.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Jueces 7:10

Napoaponahuëꞌ, ahuëtamaso tëꞌhuatohuatan, yaꞌhuëapiꞌpaꞌ paꞌmaquëꞌ. Piyapinën Pora itëransoarëꞌquën paꞌmaquëꞌ.

1 Samuel 14:12

Napoatonaꞌ: —¡Nanpëintarico nipachin ahuëtamaso aꞌchinchinquëmaꞌ! itopi chiníquën nontatonaꞌ. Naporoꞌ Conatani catahuarinsoꞌ itapon: —Huëquë imaco paꞌa. Sinioro catahuararinpo niꞌton, huiristinoꞌsa minsëari, itërin.