Jueces 6:36 - Chayahuita (Shahui)

^36-37 Napohuachinara Quitionosoꞌ, Yosë nontaton itapon: —Sinioro napotërancoso chachin cá quëran israiroꞌsa yanichaꞌëhuatan, anitotoco. Ohuica shaꞌhuëtë anporonënpitarë chachin, trico toꞌnoraraiquë acoarahuë. Tashiraya tashíramiachin poroncayori inasoꞌ, shipichin. Noꞌpaꞌ inainpichinsoꞌ, yaꞌsaꞌin. Inapohuachin, ca quëran israiroꞌsa yanichaꞌëranso nitotarahuë, itërin.

Jueces 6:36 ပူးပေါင်းရင်းမြစ်များ

Génesis 15:8

—¿Onporahuatota huaꞌanëntomiataꞌhuaso nitotapo? tënin Apran.

Isaías 7:11

“Napotëranquënso chachin mini nisarin. Ina nitotacaso marëꞌ Yosë nontëquë maꞌsona aꞌnochinquën. Aco acoporoquë yaꞌhuërin quëranhuë nipon, ina inápaquë yaꞌhuërin quëranhuë nipon aꞌnochinquën,” tënin Sinioro, itërin Isaiasëri.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Mateo 16:1

Ina quëran parisioroꞌsaꞌ, satosioroꞌsaꞌ inapita Quisoso nontacaiso marëꞌ huëꞌpi. Nonpintatonaꞌ, nontopi atëhuëcaiso marëꞌ. “Yosë aꞌpaimahuachinquën, sacaiꞌ nicacaso nininsoꞌ niquëꞌ. Quiyantaꞌ ina nicatoi, natëiinquën,” itiipi.

Jueces 6:14

Napotohuachina Siniorori niꞌsarin quëran itapon: —Matianoꞌsa aparisitarinquëmaꞌ. Napoaponahuëꞌ, quëmari inapita quëran quëmopinënpita nichaꞌëquëꞌ. Chiníquënquën niꞌton, nanitapapon. Carinquën chachin camaiaranquën, itërin.

Jueces 6:16

—Carinquën catahuaranquën niꞌton, noya nanitapaaran. Aꞌnaíchin quëmapi minsërëso pochin, yaꞌipi matianoꞌsa minsëaran, itërin Siniorori.