Jueces 6:34 - Chayahuita (Shahui)

³⁴ Napoaponahuëꞌ, Yosë ispiritonëni Quitiono yaꞌcoancantërin huachi. Yaꞌcoancantohuachina, carniro pomon pihuirin. Yaꞌipi Apisiro huëntonaꞌhua sontaroꞌsa niyontonacaiso marëꞌ, pihuirin.

Jueces 6:34 ပူးပေါင်းရင်းမြစ်များ

Salmos 51:11

Ama aꞌpomiatocosohuëꞌ. Noya nicaꞌhuaso catahuarincoso ispirito, ama cancanëhuë quëran ocoiquësohuëꞌ.

Romanos 13:14

Sontaroꞌsaꞌ huaꞌna aꞌmopiso pochin Quisocristo yaꞌcopirinpoaꞌ ama sopai minsëinpoaso marëhuëꞌ. Napoaton Quisocristo naꞌcon yonquiatomaꞌ, ina pochachin cancantocoꞌ. Ina natëtomaꞌ, ama piꞌpian tërantaꞌ yonquicosohuëꞌ co noyahuëꞌ nicacamaso marëꞌ.

Gálatas 3:27

Yaꞌipinpoaꞌ Quisocristo natëhuatëhuaꞌ, huëntonënquë chachin ayaꞌconinpoaꞌ. Yaꞌconpatëhuara, “Quisocristoíchin imasarahuë huachi,” taꞌtëhuaꞌ, aporihuanëhuaꞌ. Nasha aꞌmorëso pochin ninëhuaꞌ niꞌton, Quisocristo pochin yonquiarihuaꞌ.

Jueces 13:25

Sansonsoꞌ Tano huënton israiroꞌsa yaꞌhuëpiquë yaꞌhuërin. Sora quëran, Istaoro ninanoꞌpaꞌ ira paꞌninsoꞌ huáncana yaꞌhuërin. Aꞌna tahuëri inaquë niꞌsoꞌ, Sinioro ispiritonëni yaꞌcoancantërin. Yaꞌcoancantaton chini chiníquën nicacaso catahuararin.

Jueces 14:19

Naporoꞌ Sinioro ispiritonëni Sanson yaꞌcoancantërin. Yaꞌcoancantohuachina, Ascaron ninano itopiquë paꞌnin. Inaquë paꞌsahuaton cara shonca yaꞌhuëhuanoꞌsa tëparahuaton aꞌmopiso ocoitëraꞌpiarin. Ina quëparahuaton canapiso marëꞌ pahuërëtërin. Ninocaiso nanan noꞌtëquën shaꞌhuipiso marëꞌ Sansonsoꞌ nihuitërin niꞌton, ina pochin pahuërëtërin. Ina piquëran Sansonsoꞌ paꞌpi noꞌhuitahuaton, paꞌpin, aꞌshin, inapita yaꞌhuërinquë panantarin. Co sanapi ichiyaꞌhuëyátërasohuëꞌ, panantarin.

Jueces 15:14

Nii itopiquë canconpachinara huiristinoꞌsasoꞌ, capa cancantatona noncarorëꞌnachin nacapitapi. Capa cancantapirinahuëꞌ, Sinioro ispiritonëni Sanson yaꞌcoancantërin. Naporoꞌ tanpaquën, imirin, inapita tonpopisoꞌ oshitërin. Rino piꞌshi pënquë aꞌpërëso pochin nitaton oshitërin.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Jueces 8:2

Napotohuachinara, inariso itapon: —¡Canpita mini tëhuënchinsoꞌ cá quëran naꞌcon naꞌcon pochin ahuëtëramaꞌ! Quiya mini caniaritopiraihuëꞌ, canpitaso naꞌcon naꞌcon pochin ahuëtëramaꞌ.

1 Samuel 10:6

Naporoꞌ Sinioro ispiritonën noyá yaꞌcoancantarinquën. Ina nohuanton quëmanta inapita pochin pënëntaran. Inapotahuatënquën Sinioro anishatarinquën.

1 Samuel 11:6

Ina natanpachina, Saonoso Yosë ispiritonëni yaꞌcoancantërin. Naporoꞌ Naasë naporinso marëꞌ paꞌpi noꞌhuitërin.

1 Samuel 13:3

Aꞌna tahuëri Conatansoꞌ, sontaronënpitarë chachin Quipia ninanoquë paꞌnin. Inaquë huiristino sontaroꞌsa sirihuitopiquë yaꞌhuërin. Inaquë inaso sontaronënpitarë chachin ahuëtahuatonaꞌ, huiristino sontaroꞌsa tiquipi. Aꞌnapita huiristinoꞌsanta napoaponahuëꞌ, israiroꞌsa napopisoꞌ natantopi. Saononta ina natanahuaton, yaꞌipi israiroꞌsa yaꞌhuëpiquë tronpita pihuicaisoꞌ camaitërin. Yaꞌipi Israiro sontaroꞌsa niyontonatona ahuëtacaiso marëꞌ naporin.

1 Samuel 16:14

Naporo tahuëriꞌsa Sinioro ispiritonënsoꞌ, Saono quëran pipirin. Ina pipihuachina Yosë nohuanton sopairi yaꞌcoancantërin. Inari yaꞌcoancantohuachina, ahuaꞌyantaton aparisitárin.