Jueces 6:33 - Chayahuita (Shahui)

³³ Ina quëran matianoꞌsaꞌ, amaricoroꞌsaꞌ, piꞌi pipirinso parti yaꞌhuëroꞌsaꞌ, inapita niyontoantapi. Naporahuatona Cortaniiꞌ pëntontopi. Pëntontahuatonaꞌ, Quisiriro itopiso motopianaquë yaꞌhuëintapi. Nëꞌmëtë pëinëna ótënahuatona yaꞌhuëintarapi.

Jueces 6:33 ပူးပေါင်းရင်းမြစ်များ

Génesis 29:1

Cacopo paꞌsápaton, piꞌi pipirinso parti yaꞌhuëpisopita yaꞌhuërinquë canconin.

1 Reyes 18:45

Napotohuachina Acaposoꞌ, toronanënquë huënsërahuaton, Quisiriro ninanoquë paꞌnin. Paasoꞌ, oꞌnan tashirotërin. Ihuanë chachin huëcaton chiníquën oꞌnanarin huachi.

1 Reyes 21:1

Huaꞌqui quëran pochin Acaposoꞌ, nanan ocoiantarin. Quisiriroquë chachin aꞌnanta quëmapi yaꞌhuërin. Napoto itopisoꞌ. Inasoꞌ, Acapo copirno huaꞌanëntërinso pëinën pirayan oparonën yaꞌhuëtërin.

Oseas 1:5

Co huaꞌquiya quëranhuëꞌ inimiconënpitari Israiro huënton minsëaponaꞌ. Quisiriro motopiana itopiquë minsërahuatonaꞌ, aꞌna noꞌpaꞌpaꞌ quëpaponaꞌ,” itërin.

Josué 3:16

Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi.

Jueces 6:3

Israiroꞌsa shaꞌtopisoꞌ nanitaso chachin matianoꞌsaꞌ, amaricoroꞌsaꞌ, piꞌi pipirinso parti yaꞌhuëroꞌsaꞌ, inapitari yáhuëcapaipi. Huëcapairahuatona ahuëipi.

Jueces 7:1

Quitionosoꞌ Quiropaaro toquitopi huachi. Inasoꞌ, yaꞌipi sontaronënpitarëꞌ aꞌcayan capayatopi. Paꞌsahuatonaꞌ, Aroto itopiquë pirayan chinotopi. Inaquë, noꞌpa quëran iꞌsha pipirinso yaꞌhuërin. Nëꞌmëtë pëinëna ótënatonaꞌ, chinotopi. Inaquë chinotatonaꞌ, matianoꞌsa yaꞌhuëquiapisoꞌ, pëtëtë parti acopi. Inapitasoꞌ, Mori itopiso motopianaquë yaꞌhuëquiapi.

Jueces 7:24

Iprain huënton noꞌpanën parti, yaꞌipi motopitontarinso parti, inaquëpitanta comisionoꞌsa aꞌparin. Inapitasoꞌ canconahuatonaꞌ, itaponaꞌ: “Paꞌmatoma canpitantaꞌ, matianoꞌsa ahuëmacoꞌ. Cortaniiꞌ pëntoshinanoꞌsaquënta toꞌshitëcoꞌ. Coꞌhuara inapitaꞌton pëntonarai. Pitapara ninanoquë huarëꞌ inapotëraꞌpiacoꞌ,” tënin Quitiono, itopi. Napotohuachina Iprain huënton sontaroꞌsasoꞌ, Quitiono naporinso chachin nipi.

Jueces 7:8

Napotohuachina Quitionosoꞌ, inapita yaꞌhuëpiꞌpaꞌ aꞌparin. Coꞌhuara paꞌshátërasoihuëꞌ napoaponahuëꞌ, yonshanënaꞌ, carniro pomonënaꞌ, inapita maꞌparin. Cara pasa quëmapiꞌsa huayoninsopitarëáchin quëparitërin. Matianoꞌsa motopianaquë yaꞌhuëasoiꞌ, inapitaso motopiꞌpaꞌ chinotopi. Nëꞌmëtë pëinëna ótënatona chinotopi.