Jueces 6:31 - Chayahuita (Shahui)

³¹ Inariso napoaponahuëꞌ, yamopisopita itapon: —¡Co Paaro paꞌpoyatomaꞌ, ina marëꞌ ahuëtamaso yaꞌhuërinhuëꞌ! Insosona ina yapaꞌpoyahuachin, coꞌhuara tahuëriátërasohuë chimiꞌin, tënahuë. Paaro Yosë nipachinsoꞌ, inaora chachin ahuëchin. Artaro ohuatopisoꞌ inanquën niꞌquëhuarëꞌ, inapoꞌin, tënin.

Jueces 6:31 ပူးပေါင်းရင်းမြစ်များ

1 Reyes 18:27

Camotëchin nisapasoꞌ Iniasëri tëhuarin: —¡Chini chiníquën nontocoꞌ! yosë inanta niꞌquëhuarë aꞌpaniinquëmaꞌ. Maꞌsona nisamara. Chiꞌchiámara aꞌna, iyámara, niꞌtapon paꞌmara, huëꞌësámara. ¡Huëꞌësápachin ochinancoꞌ! itárin.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

1 Reyes 18:40

Naporoꞌ Iniasëso camaitaton: —¡Paaro marëꞌ pënëntopisopita yaꞌipi macoꞌ! itërin. Napotohuachina israiroꞌsari yaꞌipi mapi. Nani mapachinara: “Quison iꞌshaquë quëparahuatëhuaꞌ, inaquë tëpaꞌahuaꞌ,” tënin. Napohuachina inaquë quëparahuatona tëpapi.

Isaías 41:23

Ina piquëran maꞌsona onpoantacasonta shaꞌhuiantacoꞌ. Napohuatamaꞌ, ‘tëhuënchachin yosëroꞌsa antaꞌ,’ tosarai. Maꞌsha tëranta canpitanta nicoꞌ. Noya nininsohuë nipon, co noya nininsohuë nipon, nicoꞌ. Ina nicatoi paꞌyanaꞌhuaiso marëꞌ inapocoꞌ.

Isaías 46:1

Piri mamanshi itopisoꞌ, nopanpitërin. Nipo mamanshi itopisontaꞌ, noꞌpaquë anotërin. Pëꞌtahuaroꞌsa aipi mamanshiroꞌsasoꞌ quëpapi. Paꞌpi quëquënpi niꞌton, pëꞌtahuaroꞌsa canotopi.

Isaías 46:7

Ina quëran pitënahuatonaꞌ, acopiquë acocaiso marëꞌ quëpapi. Inapotohuachinara, inaquëranchin yaꞌhuëárin. Chiníquën nontopirinahuëꞌ, co aꞌpanitërinhuëꞌ. Parisitatona co napion ancantopirinahuëꞌ, co nanitërinhuë nichaꞌëcasoꞌ.

Números 14:6

Cosoi, Caripi, inapitaso nipirinhuëꞌ, panca sëtatona aꞌmopiso oshapi. Inapitanta Canaan noꞌpaꞌ nohuitapona paꞌpisoꞌ.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.

Efesios 5:11

Aꞌnaquën tashi pochin cancantatonaꞌ, co noyahuëꞌ nipi. Topinan quëran yaꞌhuërapi niꞌton, ama inapita pochin cancantocosohuëꞌ. Noꞌtëquën shaꞌhuitocoꞌ co noyahuëꞌ nipisopita naniantacaiso marëꞌ.

Jueces 6:30

—Huiꞌnan ocoiquë tëpaꞌi. Paaro artaronën ohuatërin niꞌton, tëpaarai. Ina pirayan nara moshacaso marëꞌ acorëhuasonta aꞌnërin niꞌton, napotarai, itopi.

Jueces 6:32

Naporo quëran huarëꞌ Quiotionoso apoyatatonaꞌ: “Quiropaaro,” itopi. Paaro artaronën ohuatërinso marëꞌ: “Paarori chachin Quitiono ahuëcaso nohuantërëhuaꞌ,” taꞌtona ina pochin nohuitopi.

1 Samuel 12:11

Ina niꞌton, Siniorori Quiropaaro, Quipiti, inapitaꞌton nichaꞌëinquëmaso marëꞌ acorin. Ina piquëran cantaꞌ, ina marë chachin acorinco. Inapotërainquëma niꞌton, canpitaso naꞌa piꞌipi noya yaꞌhuëramaꞌ.