Jueces 6:30 - Chayahuita (Shahui)

³⁰ —Huiꞌnan ocoiquë tëpaꞌi. Paaro artaronën ohuatërin niꞌton, tëpaarai. Ina pirayan nara moshacaso marëꞌ acorëhuasonta aꞌnërin niꞌton, napotarai, itopi.

Jueces 6:30 ပူးပေါင်းရင်းမြစ်များ

Jeremías 26:11

Naporoꞌ corto huaꞌanoꞌsaꞌ, pënëntonaꞌpiroꞌsaꞌ, inapitasoꞌ, huaꞌanoꞌsaꞌ, yaꞌhuëhuanoꞌsa inapita nontatona itaponaꞌ: “Iso quëmapi chiminacaso yaꞌhuërin. Iso ninano taꞌhuantacasoꞌ shaꞌhuirin. Yaꞌipinquëma natanamaꞌ,” topi.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Hechos 26:9

Cantaꞌ iráca co Quisoso Nasaritoquë yaꞌhuërinsoꞌ imarahuëꞌ. Ina imapisopitantaꞌ noꞌhuirahuë. Aparisitaꞌhuasoꞌ yaꞌhuërin, topirahuëꞌ.

Filipenses 3:6

Inasáchin imato, Quisocristo imapisopita chiníquën aparisitërahuë. “Iráca pënëntërinsoꞌ noꞌtëquën natërahuë,” taꞌto, noya piyapico, topirahuëꞌ.

Jueces 6:29

Napohuachinara inahuara capini ninatanpi: —¿Incháchinta naporin nicaya? topi. Natantërapi quëran nitotopi huachi: —Coasë huiꞌnin Quitiono itopiso naporin, topi shaꞌhuirapitonaꞌ. Naporoꞌ Coasë paaparahuatona itaponaꞌ:

Jueces 6:31

Inariso napoaponahuëꞌ, yamopisopita itapon: —¡Co Paaro paꞌpoyatomaꞌ, ina marëꞌ ahuëtamaso yaꞌhuërinhuëꞌ! Insosona ina yapaꞌpoyahuachin, coꞌhuara tahuëriátërasohuë chimiꞌin, tënahuë. Paaro Yosë nipachinsoꞌ, inaora chachin ahuëchin. Artaro ohuatopisoꞌ inanquën niꞌquëhuarëꞌ, inapoꞌin, tënin.