Jueces 6:26 - Chayahuita (Shahui)

²⁶ Iso motopiaꞌhua huiꞌnimotënꞌpaꞌ, aꞌnara artaro ca marëꞌ niquëꞌ. Caso Yosënënco niꞌto, inapoquëꞌ. Ina quëran toro manansoꞌ, tëpaquëꞌ. Inapotahuaton ina artaro aipi yaꞌipi ahuiquitëquëꞌ. Nara moshacaiso marëꞌ acopiso aꞌnëhuatan, pëꞌcha pëꞌchataran. Ina ihuë aipi acorahuaton yaꞌipi noyá ahuiquitëquëꞌ, itërin.

Jueces 6:26 ပူးပေါင်းရင်းမြစ်များ

Éxodo 34:13

Artaroroꞌsa mamanshi chinotacaiso marëꞌ nipisoꞌ, ohuatocoꞌ. Naꞌpirosantaꞌ, nararoꞌsanta chinotopisopita, paꞌquiraꞌpiacoꞌ.

1 Corintios 14:33

Yosësoꞌ co nisha nisha ayonquirinpoahuëꞌ. Catahuarinpoaꞌ sano cancantacasoꞌ. Niyontonëhuaquëntaꞌ catahuarinpoaꞌ aꞌnaya aꞌnayanpoaꞌ pënëntatëhuaꞌ noya Yosë chinotacaso marëꞌ. Yaꞌipi Yosë imarëhuasopita nisha nisha niyontonëhuaquë,

1 Corintios 14:40

Nipirinhuëꞌ, ama noncarocosohuëꞌ. Aꞌnaya aꞌnayanquëmaꞌ noncoꞌ. Noyápiachin cancantatomaꞌ, Yosë yonquicoꞌ.

Jueces 6:25

Naporo tashi chachin Siniorori Quitiono itapon: —Tata ohuacanënpita quëran aꞌnara toro maquëꞌ. Toro masho quëran naniamiachin nininsoꞌ maquëꞌ. Inasoꞌ, nani canchisë piꞌipitërin. Tataparin mamanshi Paaro itopisoꞌ chinotacaso marëꞌ artaro nininsontaꞌ, ohuatëquëꞌ. Naranta moshacaiso marëꞌ acopisoꞌ, aꞌnëquëꞌ. Inasoꞌ, artaro pirayan ahuanipi.

Jueces 6:27

Napotohuachina Quitionosoꞌ catahuacaiso marëꞌ shonca piyapinënpita quëparin. Inapitari catahuarin niꞌton, yaꞌipi Siniorori camairinso ninin. Napoaponahuëꞌ, co tahuëri inaporinhuëꞌ. Paꞌpin quëmopinënpita, ina ninanoquë yaꞌhuëpisopita, inapita tëꞌhuataton, tashi inaporin.

1 Samuel 6:14

Aꞌnara yaꞌhuëhuan Cosoi itopisoꞌ iminënquë toronansoꞌ canquihuachina, inaquë chiniconin. Panca naꞌpi inaquë yaꞌhuërinso pirayan chiniconin. Naporoꞌ yaꞌhuëhuanoꞌsari, toronan pëꞌshatona ihuë atarantopi. Cato ohuacaroꞌsanta tëpapi. Inapotahuatona ina ihuëquë chachin Sinioro marëꞌ yaꞌipi ahuiquitopi.