Jueces 6:19 - Chayahuita (Shahui)

¹⁹ Quitionosoꞌ paꞌsahuaton aꞌnara chipoaꞌhua tëparin. Tëparahuaton poꞌmorin. Ina poꞌmorahuaton cato shonca quiro pochin tricoroꞌmo manin. Ina quëraontaꞌ, pan co ahuëcatopinanhuëꞌ anpirin. Chipoaꞌhua noshinën anpirinsosoꞌ, aꞌna iꞌmëquë poꞌmorin. Noꞌhuiquënsoꞌ, huëꞌëtaquëranchin acorin. Yaꞌipi inapita insina narataquë quëparin.

Jueces 6:19 ပူးပေါင်းရင်းမြစ်များ

Génesis 18:5

Yaꞌhuërahuëtaquëchin naꞌhuëarama niꞌquëhuarëꞌ, maꞌsha tëranta capamaso quëshiinquëmaꞌ. Ina quëran chiníquën cancantatomaꞌ, paantamaso marëꞌ, itërin. —Naporan niꞌquëhuarëꞌ, inta nipachin, itopi.

Mateo 13:33

“Naquëranchin iyaroꞌsaꞌ Yosë huaꞌanëntërinsoꞌ aꞌchintaantaꞌinquëmaꞌ. Pan ahuëpocatërinso pochin ninin antaꞌ. Aꞌna sanapi pan nipachina, cara shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotaton, ahuëpocatërin huachi,” itërin Quisosori.

Jueces 6:20

Canconpachina, anquëniri itapon: “Nosha, pan, inapita iso natëtë aipi acoquëꞌ. Nani acohuatan yaꞌipi ina aipi noꞌhuiquën opoquëꞌ,” itërin. Napotohuachina Quitionosoꞌ ina inachachin ninin.