Jueces 6:12 - Chayahuita (Shahui)

¹² Inapoasoꞌ, Sinioro anquëninëni yaꞌnotahuaton itapon: —Quëmasoꞌ chiníquën mashonquën. Naporahuaton, chiníquën cancantëran. ¡Sinioro chachin catahuararinquën! itërin.

Jueces 6:12 ပူးပေါင်းရင်းမြစ်များ

Éxodo 3:12

—Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Lucas 1:11

Naporoꞌ acohuana Sinioro anquëninëni yaꞌnotimarin. Misaꞌhuaya inchinan quëran huanitimarin.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 2:18

Inimiconënpitari aparisitahuachinara, israiroꞌsa tarëtatona naꞌnërápi. Naporoꞌ Siniorori nosororin. Ina nohuanton inapita catahuacaso marëꞌ huaꞌan huanirin. Ina nanpisoꞌ Siniorori catahuarin niꞌton, inimiconënpita quëran israiroꞌsa nichaꞌërin.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Jueces 6:13

—¡Maꞌcha Sinioro napotaranquën paya! ¡Tëhuënchachin Sinioro catahuararincoi naporini, co poꞌsáitoihuëꞌ! Iráca shimashonëhuëipita Iquipito quëran ocoirin. Ocoicaso marëꞌ chiníquën nanantaton nani maꞌsha ninin. ¡Iporaso nipirinhuëꞌ co huachi inaporinhuëꞌ! Sinioro aꞌporahuatoncoi aparisitiincoiso marëꞌ matianoꞌsa catahuarin, itërin Quitionori.

Rota naporinso' 2:4

Inapoaton maꞌpatasoꞌ, imin huaꞌanën Pirin quëran canquirin. Canquirahuaton yaquinaꞌpiroꞌsa noya nontërin: “Sinioro chachin catahuainquëmaꞌ,” itërin. Napotohuachina piyapinënpitantaꞌ, “Quëmanta Sinioro catahuainquën,” itopi.

1 Samuel 10:7

Yaꞌipi inapita nanihuachin, maꞌsona noya nicacaso yonquiransoꞌ, niquëꞌ. Naporo Sinioro catahuararinquën huachi.