Jueces 6:11 - Chayahuita (Shahui)

¹¹ Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Jueces 6:11 ပူးပေါင်းရင်းမြစ်များ

Génesis 16:7

Taꞌapirinhuëꞌ, Sinioro anquëninëni inotëro parti quënanin. Shor iraquë iꞌsha pipirinsoꞌ yaꞌcariꞌ, quënanin.

1 Reyes 19:19

Siniorori napotohuachina, Iniasëso yaꞌhuërinquë paantarin. Apiri-miora yaꞌcari nipachina, Irisio sacatarin quënanconin. Shonca aꞌna quëmapiꞌsanta quëchitapi. Inapitasoꞌ cato cato tororoꞌsaquë noꞌpaꞌ ohuërërantapi. Piquëran nininso Irisiori quëpararin. Iniasëri paaparahuaton, aipi aꞌmorinsoquë imopitërin. Inapotahuaton huëshiarin.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 13:6

Ina natanaton, sanapiso soꞌin shaꞌhuitapon paꞌnin: “Aꞌnara quëmapi Yosëri aꞌpaimarinso huëcapairinco. Sinioro anquëninën chachin yaꞌnorin niꞌton, paꞌpi paꞌyantërahuë. Co cariso natanahuëꞌ, nininën. Co inantaꞌ, shaꞌhuitërincohuëꞌ.

Jueces 5:23

Sinioro anquëninën naporin: “Mirosi ninanoquë yaꞌhuëpisota paꞌpi co noyahuëꞌ nicato, ama huachi noya yaꞌhuëcaiso marëhuëꞌ shaꞌhuitarahuë. Sinioro catahuacaiso marëꞌ naꞌa chiníquën cancantopisopita huëꞌpi. Inahuaso co huëpihuëꞌ niꞌton, napotarahuë,” tënin.

Jueces 6:12

Inapoasoꞌ, Sinioro anquëninëni yaꞌnotahuaton itapon: —Quëmasoꞌ chiníquën mashonquën. Naporahuaton, chiníquën cancantëran. ¡Sinioro chachin catahuararinquën! itërin.

Jueces 8:2

Napotohuachinara, inariso itapon: —¡Canpita mini tëhuënchinsoꞌ cá quëran naꞌcon naꞌcon pochin ahuëtëramaꞌ! Quiya mini caniaritopiraihuëꞌ, canpitaso naꞌcon naꞌcon pochin ahuëtëramaꞌ.