Jueces 5:31 - Chayahuita (Shahui)

³¹ Ina pochin mini Sinioro yaꞌipi inimiconënpita taꞌhuanchinaꞌ. Nosororinënquënsopitaso nipirinhuëꞌ, huënaráchin huënaráchin yaꞌnoinaꞌ. Camotëchin piꞌi huënaratërinso pochin yaꞌnoinaꞌ, topi cantatonaꞌ. Naporo quëran huarëꞌ israiroꞌsa catapini shonca piꞌi noya yaꞌhuëantapi.

Jueces 5:31 ပူးပေါင်းရင်းမြစ်များ

2 Samuel 18:31

Naporoꞌ Itiopia quëmapinta canquiarin. Canquirahuaton itapon: —Noya nanan quëshiaranquënsoꞌ nitotëquë sinioro copirno. Ipora tahuëri Sinioro noya nicatënquën catahuarinquën. Yaꞌipi yaocoirinënquënsopita quëran nichaꞌërinquën, itërin.

2 Samuel 18:32

Napotohuachina, inanta copirnori itapon: —¿Apësaron poꞌ? ¿Co manta onporinhuëꞌ? itërin. —Nani chiminin. Inimicotërinënquënsopita, yaocoirinënquënsopita, maꞌsha yaonpotërinënquënsopita, inapita inaporaꞌpiapi naporini, noya niitonahuëꞌ, itërin.

2 Samuel 23:4

Ina pochin nipachin, tahuëririarinso pochin piyapiꞌsa catahuapon. Noyahuanquë piꞌi aꞌpininso pochin catahuatapon. Oꞌnan mëꞌtahuachina, panpatoro noya paporin. Ina pochin noya copirnoso catahuatapon,’ tënin.

Salmos 19:6

Pipirin quëran yaꞌnorahuaton, pomosoontarin. Ina quëran yaꞌconinꞌpaꞌ nohuaramarin. Co incari tëranta piꞌcatërinsoꞌ chaꞌëtërinhuëꞌ.

Salmos 37:6

Camotëchin nipachina, piꞌi noya noya aꞌpinin. Inapochachin Sinioro catahuahuachinquëmaꞌ, noya nicatoma imamiatëramasoꞌ, yaꞌnoarin.

Salmos 89:36

Ina quëran pipipisopitarácin copirno yaꞌconpachinaꞌ, huaꞌanëntaponaꞌ. Piꞌi yaꞌhuëasoꞌ, co aꞌnapitari huaꞌanëntarinhuëꞌ.

Salmos 89:37

Yoquinta yaꞌhuërárinso pochin nicaponaꞌ. Piꞌiroꞌtë yaꞌhuërinso co taꞌhuachátërasohuëꞌ, co nisharoꞌsari israiroꞌsa huaꞌanëntaponhuëꞌ,” itëran.

Salmos 91:14

Sinioro napotërinpoaꞌ: “Nohuitatomaco nosororamaco niꞌton, inapita quëran nichaꞌësaranquëmaꞌ. Co insonta nanitapaponquëmahuëꞌ.

Éxodo 20:6

Nosoroatomaco pënënanquëmasopita natëhuatamaso nipirinhuëꞌ, carinquëmanta nosoroaranquëmaꞌ. Shiparimanta nosoroarahuë. Huaranca shimapita huënton yaꞌhuëaquë huarëꞌ nosoroato catahuarahuë.

Mateo 13:43

Yosë natëpisopitaso nipirinhuëꞌ, nóya niꞌsarin. Piꞌi aꞌpininso pochin Yosë huaꞌanëntërinquë yaꞌnoapi. Huëratëhuanpatamaꞌ, noya natanatomaco, yonquicoꞌ,” itërin Quisosori.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

1 Corintios 8:3

Napoaponahuëꞌ, Yosë nosorohuatëhuaꞌ, ina pochin cancantarihuaꞌ. Ina quëran Yosë nohuitatonpoaꞌ, noya niꞌsarinpoaꞌ.

Efesios 6:24

Quisocristo huaꞌanëntarinpoaꞌ. Ina nosoromiatohuatamaꞌ, inaora nohuanton, Yosë noya catahuainquëmaꞌ, tënahuë. Amen. Nani ninshitëranquëma huachi. Paono

Deuteronomio 7:9

Naporinso marëꞌ: ‘Sinioroíchin Yosësoꞌ. Shimashonënpoapitarëꞌ anoyatërinsoꞌ, co onporonta naniantarinhuëꞌ. Ina nosoroatëhua camaitërinsopita natëhuatëhuaꞌ, co naniantarinpoahuëꞌ canpoantaꞌ,’ tocoꞌ.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.

Apocalipsis 1:16

Inchinan imirin quëran canchisë tayora pochin nininsoꞌ sëꞌquërin. Naporahuaton, nanamën quëran sahuëni pochin nininsoꞌ pipirarin. Cato quëran chachin toꞌnapinan. Yaꞌipi yaꞌpirinsoꞌ piꞌi pochin aꞌpinin. Huënaráchin huënaráchin yaꞌnorin.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.