Jueces 5:30 - Chayahuita (Shahui)

³⁰ “Ahuëtatona mapisoꞌ nipatomatapi ipora. Cosonaroꞌsa aꞌnaya aꞌnayahuë nipon, cato catohuë nipon niquëtapi. Sisara marësoꞌ, nisha nisha piꞌshi quëran paꞌtopinan nëꞌmëtëroꞌsaꞌ: Aꞌnahuë nipon, catohuë nipon nisha nisha quëran ninshipisoꞌ nëꞌmëtë. Minsëtonaꞌpi niꞌton, apëꞌpëconotacaso marëꞌ quëtapi,” tosapi.

Jueces 5:30 ပူးပေါင်းရင်းမြစ်များ

Génesis 37:3

Cacoposoꞌ aꞌnapita huiꞌninpita quëran, Cosi naꞌcon naꞌcon nosororin. Nani másho nicaquë huarëꞌ, Cosiso huaꞌhuatërin niꞌton, nosoromiatërin. Napoaton aꞌmocaso marëꞌ noyápiachin nininsoꞌ nitërin.

Éxodo 15:9

Inimicoroꞌsaso yonquipi: ‘Paꞌahua imatëhua icantahuaꞌ. Icantatëhua sahuëni quëran tiquiaꞌahuaꞌ. Maꞌshanëna osërëtatëhuaꞌ, nipatomatahuaꞌ,’ topirinahuëꞌ.

Isaías 9:2

Inapitasoꞌ co noyahuëꞌ nicatonaꞌ, tashinanquë iratërëso pochin cancantopi. Inapopirinahuëꞌ, panca aꞌpintërëso pochin noya nicacaiso anitotaponaꞌ. Sinioro quëma chachin capa cancantaꞌhuaisoꞌ, quëshirancoi. Shaꞌnaiso mapatoira, capa cancantërai. Canatatona notohuaroꞌ maꞌsha nipatomatohuachinarantaꞌ, capa cancantopi. Inapochachin quiyantaꞌ, quëma niꞌtonënquë capa cancantomiatarai.

Jueces 5:19

Naporoꞌ copirnoroꞌsaꞌ, Tanaco ninanoquë huëꞌpi. Miquito iꞌsharoꞌsa pirayan paꞌmapi. Canaan copirnoroꞌsa ahuëtai marëꞌ huëꞌpirinahuëꞌ, co prata mapihuëꞌ. Co manta paꞌton nininsoꞌ mapihuëꞌ.

Jueces 5:29

Aꞌnaquën yonqui yonquínahuan sanapiꞌsari itaponaꞌ: Inaora chachinta naporin: