Jueces 5:23 - Chayahuita (Shahui)

²³ Sinioro anquëninën naporin: “Mirosi ninanoquë yaꞌhuëpisota paꞌpi co noyahuëꞌ nicato, ama huachi noya yaꞌhuëcaiso marëhuëꞌ shaꞌhuitarahuë. Sinioro catahuacaiso marëꞌ naꞌa chiníquën cancantopisopita huëꞌpi. Inahuaso co huëpihuëꞌ niꞌton, napotarahuë,” tënin.

Jueces 5:23 ပူးပေါင်းရင်းမြစ်များ

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Romanos 15:18

Quisocristo noya catahuahuachincora, nisha nisha piyapiꞌsaꞌ aꞌchintërahuë. Ina nohuanton, noya ninahuë niꞌton, natëpi. Co catahuarincohuëꞌ naporini, co imaitonahuëꞌ. Napoaton inasáchin shaꞌhuitaranquëmaꞌ.

1 Corintios 16:22

Insosona co Sinioro Quisocristo nosorohuachinhuëꞌ, Yosëri anaꞌinchin. ¡Aꞌnaroáchin Sinioro oꞌmantaquëꞌ! tënahuë.

1 Corintios 3:9

Quiyasoꞌ Yosë aꞌparincoi ina marëꞌ sacataꞌhuaisoꞌ. Canpitaso nipirinhuëꞌ Yosë shaꞌtërinso pochin ninamaꞌ. Naporahuaton, Quisocristo imaramaꞌ niꞌton, Yosë pëinën pochin ninamaꞌ.

2 Corintios 6:1

Yosë acorincoi nanamën aꞌchinaꞌhuaiso marëꞌ. Acoatoncoi, catahuarincoi aꞌchintaꞌhuainquëmaso marëꞌ. “Yosë nosoroatonpoaꞌ, yanichaꞌërinpoaꞌ,” itërainquëmaꞌ. Ama topinan quëran natancosohuëꞌ. Imaco huachi.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 2:1

Sinioro anquëninënso Quiricaro quëran pipirahuaton, Poquimo itopiquë pantarin. Inaquë cancontarahuaton, israiroꞌsa itapon: “Carinquëma Iquipito noꞌpaꞌ quëran ocoiranquëmaꞌ. Ocoirahuatënquëmaꞌ, iso noꞌpaquë quënanquëmaꞌ. Iso noꞌpasoꞌ, shimashonëmapita nani shaꞌhuitërahuë quëtaꞌhuanquëmaso marëꞌ: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Ina quëran canpitanta shaꞌhuitëranquëmaꞌ: ‘Canpitaroꞌco anoyatërahuësoꞌ co onporonta nishataponhuëꞌ. Canpitanta napoaponahuëꞌ, ama Canaanquë yaꞌhuëpisopitarëꞌquëmaꞌ, anoyatocosohuëꞌ. Mamanshi moshacaiso marëꞌ artaroroꞌsa nipisoꞌ ataꞌhuantocoꞌ,’ itëranquëmaꞌ. Napotopiranquëmahuëꞌ, canpitaso co natëramacohuëꞌ. Co natëtatomahuëꞌ paꞌpi noꞌhuípiro ninamaꞌ.

Jueces 4:6

Aꞌna tahuëri Tiporasoꞌ, Apinoamo itopisoꞌ huiꞌnin amatërin. Inasoꞌ, Paraco itopi. Quitisë ninanoquë yaꞌhuërin. Inaso ninanoꞌ, Nipitari israiroꞌsa huënton noꞌpaꞌ mapiquë yaꞌhuërin. Canquihuachina, itapon: —Israiroꞌsanpoa chinotërëhuaso Yosë, iso pochin camairinquën: “Taporo motopiquë paꞌsahuaton, shonca huaranca Israiro sontaroꞌsa ayontonquëꞌ. Saporono, Nipitari, inapita huëntonoꞌsa quëran ayontonquëꞌ.

Jueces 5:13

Naporoꞌ Israiro sontaroꞌsaꞌ, motopi quëran nohuaramapi. Chini chiníquënoꞌsa nipisopita ahuëcaiso marëꞌ napopi. Përarahuë niꞌton, Sinioro sontaronënpita niyontonpi. Inimico sontaroꞌsa ahuëcaiso marëꞌ niyontonpi.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Jueces 8:5

Socotoquë canconpachinara, yaꞌhuëhuanoꞌsa itapon: —Yosë marëꞌ maꞌsha tëranta sontaronëhuëpita aꞌcacoꞌ. Matian copirnoroꞌsa Sipa, Saromona, inapita itopisoꞌ imasápatoi paꞌpi canotërai. Napoaton aꞌcaco topirahuë, itërin.

Jueces 8:6

Napotopirinhuëꞌ, ninano huaꞌanoꞌsariso itaponaꞌ: —Sipa, Saromona, inapita nani manama naporini, sontaronënpita aꞌcaitoihuëꞌ, itopi.

Jueces 8:8

Ina quëran Pinoiro ninanoquë paꞌpi. Inaquënta Socotoquë natantërinso chachin nataantarin. Natantopirinhuëꞌ, inahuanta Socotoroꞌsa aꞌpanitopiso pochachin aꞌpanitaantapi.

1 Samuel 17:47

Yaꞌipi isëquë nisapisopita nitotapona huachi: “Siniorori chachin catahuarin ahuëtacaiso niꞌton, canatopi. Napoaton nansa, sahuëni, co inapitaquëáchin canatërëhuëꞌ,” tosapi. Ina nohuanton ipora tahuëri quiyarima minsëarainquëmaꞌ, itërin.

1 Samuel 18:17

Aꞌna tahuëri Saonori Tapi itapon: —Natanquë api shaꞌhuichinquën: Chiníquën cancantaton Sinioro marëꞌ ahuëtëquëꞌ. Ina pochin nicacaso marëꞌ huiꞌnahuë paninan nininsoꞌ quëtaranquën. Inasoꞌ, Mirapo itërahuë, itërin. “Huiristinoꞌsari tëpahuachinaꞌ, co caora chachin tëpaꞌhuaso yaꞌhuëaponhuëꞌ,” taꞌton napotërin.