Jueces 5:15 - Chayahuita (Shahui)

^15-16 Isacaro huënton huaꞌanoꞌsantaꞌ, Tipora caꞌtanpi. Inapitanta Paraco catahuacaiso marëꞌ paꞌpi. Motopianaquë Paraco imamapi. Nopino huënton sontaroꞌsa huaꞌanënpitasoꞌ: “Quiyasoꞌ quëmapicoi,” topi. Noꞌtëquën naporini, co ohuica huëntonoꞌsa pirayan quëparichitonahuëꞌ. Ohuica aꞌpairoꞌsa ohuicanëna përapisoꞌ natanápatonaꞌ, co noyahuëꞌ nipi.

Jueces 5:15 ပူးပေါင်းရင်းမြစ်များ

Génesis 35:23

Niaquëya nipisopitasoꞌ isopita: Paninansoꞌ Nopino, ina quëran, Simion, Nihui, Cota, Isacaro, Saporono, inapita.

Hechos 15:39

Huaꞌquiꞌ ninontopirinahuëꞌ, co napopianachin yonquiatonahuëꞌ, nisha nisha paꞌpi. Pirnapisoꞌ Coansharë chachin nanchaquë paꞌsahuaton, Chipriquë canconpi.

Hechos 20:13

Nani Paono shaꞌhuitërincoi: “Canpitaꞌton potiquë pacoꞌ. Asoquë ninataco,” itohuachincoira, paꞌnai. Inaso nipirinhuëꞌ ira paꞌtërin.

2 Corintios 11:2

Yosë nohuanton, naꞌcon nosororanquëmaꞌ. Nosoroatënquëmaꞌ, aꞌpitëranquëmaꞌ. Co nohuantërahuëꞌ nisha cancantacamasoꞌ. Nanon soꞌyarinso pochin ninin. Niꞌcoꞌ. Quëmapiri mapachina, soꞌináchin yonquicasoꞌ yaꞌhuërin. Inapochachin carinquëmantaꞌ aꞌchintëranquëmaꞌ Quisocristoíchin yonquicamaso marëꞌ.

Jueces 4:10

Inaquë Paracosoꞌ sontaroꞌsa ayontonin. Saporono, Nipitari, inapita huëntonoꞌsa quëran, ayontonin. Niyontonpachinara, shonca huaranca sontaroꞌsa camaicaso marëꞌ ananirin. Tiporanta inarë chachin paꞌsarin.

Jueces 4:14

Naporoꞌ Tiporari Paraco itapon: —Pashi tëquë huachi. Ipora mini Sinioro catahuararinquën. Sisara sontaronënpitarë chachin minsëcamaso marëꞌ napotarinquën. Sinioro chachin quëchitaton quëma sontaronënpita maꞌsona nicacaisoꞌ anitotarin, itërin. Naporoꞌ Paracosoꞌ, Taporo motopi quëran nohuaramarin. Shonca huaranca sontaronënpitarë chachin oꞌmarin.

Jueces 4:6

Aꞌna tahuëri Tiporasoꞌ, Apinoamo itopisoꞌ huiꞌnin amatërin. Inasoꞌ, Paraco itopi. Quitisë ninanoquë yaꞌhuërin. Inaso ninanoꞌ, Nipitari israiroꞌsa huënton noꞌpaꞌ mapiquë yaꞌhuërin. Canquihuachina, itapon: —Israiroꞌsanpoa chinotërëhuaso Yosë, iso pochin camairinquën: “Taporo motopiquë paꞌsahuaton, shonca huaranca Israiro sontaroꞌsa ayontonquëꞌ. Saporono, Nipitari, inapita huëntonoꞌsa quëran ayontonquëꞌ.