Jueces 5:12 - Chayahuita (Shahui)

¹² Capayatërëso pochin cancantëquë Tipora. Capayatërëso pochin cancantaton cantaquëꞌ. Quëmanta Paraco Apinoamo huiꞌninquën. ¡Huaniton inimicoroꞌsa manansoꞌ quëpaquëꞌ!

Jueces 5:12 ပူးပေါင်းရင်းမြစ်များ

Isaías 33:1

Aꞌnaquëmasoꞌ, piyapiꞌsa ahuëatoma ataꞌhuantëramaꞌ. Aꞌnaquëmantaꞌ, nonpintatoma maꞌsha onpotëramaꞌ. Aꞌnapita inapotopiramahuëꞌ, co canpitaso inapotërinënquëmahuëꞌ. Ataꞌhuantërama piquëran, canpitanta ataꞌhuantaponënquëmaꞌ. Nonpintatoma piyapiꞌsa maꞌsha onpotërama piquëran, canpitanta inapotaponënquëmaꞌ.

Isaías 60:1

Cota huëntonquë, Quirosarinquë, inaquëpita yaꞌhuëramasoꞌ, noya natancoꞌ: Sinioro noya noya nininsoꞌ, canpitarë nisarin. Inasoꞌ, huënaráchin huënaráchin aꞌpinarin. Napoaton canpitantaꞌ, aꞌpininso ahuënaratarinquëmaꞌ.

Jeremías 31:26

Naporo chachin capayatato niꞌtërahuë. Huaꞌnarahuëso yonquiato, nóya cancantërahuë.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

Efesios 4:8

Iráca inápaquë nóya yaꞌhuëpirinhuëꞌ, isoroꞌpaquë chachin oꞌmarin. Naꞌcon parisitaton, chiminin. Paꞌpitopirinahuëꞌ, nanpiantaton, inápaquë panantarin. Iráca quiricanënquë naporin: “Yaꞌipi minsërahuaton, inápaquë panantarin huachi. Naporahuaton, maꞌsha topinan nicanarëso pochin piyapinënpita catahuarin nóya nicacasoꞌ. Nisha nisha nicacasoꞌ catahuarin,” tënin.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.

2 Timoteo 2:26

Yonquicaiso marëꞌ sanoanan quëran pënëanhuanꞌ. Huënsonquë maꞌsha manëso pochachin sopairi nani manin. Camaihuachina, natëpi. Nipirinhuëꞌ pënënpatëhuaꞌ, sopai quëran chaꞌëponaꞌ nimara.

Jueces 5:13

Naporoꞌ Israiro sontaroꞌsaꞌ, motopi quëran nohuaramapi. Chini chiníquënoꞌsa nipisopita ahuëcaiso marëꞌ napopi. Përarahuë niꞌton, Sinioro sontaronënpita niyontonpi. Inimico sontaroꞌsa ahuëcaiso marëꞌ niyontonpi.