Jueces 4:7 - Chayahuita (Shahui)

⁷ Ca nohuanto Sisara huëcapayarinquën. Inasoꞌ, Capin copirno sontaronënpita camairinsoꞌ. Quison iꞌsha itopiquë huëcapayarinquën. Toronanënpita, sontaronënpita inapitarë chachin huëꞌsapi. Huëcapaipirinënquënhuëꞌ, carinquën catahuaranquën inapita minsëamasoꞌ,” tënin, itërin.

Jueces 4:7 ပူးပေါင်းရင်းမြစ်များ

1 Reyes 18:40

Naporoꞌ Iniasëso camaitaton: —¡Paaro marëꞌ pënëntopisopita yaꞌipi macoꞌ! itërin. Napotohuachina israiroꞌsari yaꞌipi mapi. Nani mapachinara: “Quison iꞌshaquë quëparahuatëhuaꞌ, inaquë tëpaꞌahuaꞌ,” tënin. Napohuachina inaquë quëparahuatona tëpapi.

Éxodo 14:17

Ca nohuanton iquipitoroꞌsa co natantochináchinhuëꞌ cancantatonaꞌ, imaponëmaꞌ. Napoaponahuëꞌ, cari ataꞌhuantarahuë. Copirno, sontaronënpita, toronanënapita, inapitarë chachin minsëarahuë. Inapotohuato, yaꞌipi iquipitoroꞌsa nitotapi: “Tëhuënchachin israiroꞌsa Yosënënasoꞌ, chini chiníquën nanantërin,” tosapi.

Éxodo 14:4

Ca nohuanton co natantochináchinhuëꞌ cancantaton, imaquiarinquëmaꞌ. Napoaponahuë imaquihuachinquëmaꞌ, sontaronënpita huëntonënë chachin ataꞌhuantarahuë. Inapotohuato, Sinioroco ninahuëso yaꞌipi iquipitoroꞌsa nitotapi,” itërin. Yosë camaitërinso chachin israiroꞌsa nipi.

Éxodo 14:8

Sinioro nohuanton copirno co natantochináchinhuëꞌ cancantaton, israiroꞌsa imasarin. Chiníquën nanantatona pipipisoꞌ nani nicaponahuëꞌ, imasarin.

Josué 10:8

Coꞌhuara Capaonquë paꞌshátërasoihuëꞌ, Siniorori Cosoi itapon: “Ama amororoꞌsa tëꞌhuatëquësohuëꞌ. Carinquën catahuaranquën yaꞌipi inapita minsëamasoꞌ,” itërin.

Jueces 4:14

Naporoꞌ Tiporari Paraco itapon: —Pashi tëquë huachi. Ipora mini Sinioro catahuararinquën. Sisara sontaronënpitarë chachin minsëcamaso marëꞌ napotarinquën. Sinioro chachin quëchitaton quëma sontaronënpita maꞌsona nicacaisoꞌ anitotarin, itërin. Naporoꞌ Paracosoꞌ, Taporo motopi quëran nohuaramarin. Shonca huaranca sontaronënpitarë chachin oꞌmarin.

Jueces 4:8

Napotohuachina Paracosoꞌ tapon: —Carëꞌquën paꞌpatan, naporo huarëꞌ paꞌsarahuë. Coꞌsoꞌ paꞌpatanhuëꞌ, co canta paꞌsarahuëꞌ, itërin.

Jueces 5:21

Quison iꞌsha itopisori yaꞌipi motoꞌ pama huëcaton, inimicoroꞌsa quiquirin. Yapëntonpirinahuëꞌ, amocan huitërëso pochin nitërin. Inaso iꞌsha, iráca yaꞌhuërinsoꞌ. Inari chiníquën nanantopisopita sëꞌcopiconotërëso pochin nitërin.

1 Samuel 24:10

Ipora tahuëri chachin nitotaran co carinquën yatëparanquënsohuëꞌ. Sinioro nani quëtërinco naninquë tëpaꞌhuanquënsoꞌ. Inaso nipirinhuëꞌ, co nohuantërahuëꞌ inapotaꞌhuanquënsoꞌ: “Siniorori huayonin niꞌton, apiso copirno yaꞌconin,” taꞌto naporahuë.

1 Samuel 24:18

Ipora tahuëri anitotëranco noya yonquirapirancosoꞌ. Sinioro chachin nani quëtërinquën tëpaancosoꞌ. Napoaponahuëꞌ, co tëparancohuëꞌ.