Jueces 4:6 - Chayahuita (Shahui)

⁶ Aꞌna tahuëri Tiporasoꞌ, Apinoamo itopisoꞌ huiꞌnin amatërin. Inasoꞌ, Paraco itopi. Quitisë ninanoquë yaꞌhuërin. Inaso ninanoꞌ, Nipitari israiroꞌsa huënton noꞌpaꞌ mapiquë yaꞌhuërin. Canquihuachina, itapon: —Israiroꞌsanpoa chinotërëhuaso Yosë, iso pochin camairinquën: “Taporo motopiquë paꞌsahuaton, shonca huaranca Israiro sontaroꞌsa ayontonquëꞌ. Saporono, Nipitari, inapita huëntonoꞌsa quëran ayontonquëꞌ.

Jueces 4:6 ပူးပေါင်းရင်းမြစ်များ

Salmos 89:12

Quëmari norti parti, sor parti, inapita acoran. Taporo, Irmon, inapita motopiroꞌsantaꞌ, quëmari acoran. Inapitanta piyapi pochin nicatonaꞌ, chinotaponën. Capa cancantatonaꞌ, cantaponaꞌ.

Salmos 89:13

Quëmasoꞌ chini chiníquën nanantëran. Inchinan tanpanënsoꞌ chiníquën niꞌton, yáminsëtëran.

Oseas 5:1

Naquëranchin Siniorori piyapinënpita itapon: “Corto huaꞌanoꞌsanquëmaꞌ, yaꞌipi Israiro huaꞌanoꞌsanquëmaꞌ, copirnonta quëmopinënpitarë chachin, yaꞌipinquëma natanco shaꞌhuichinquëmaꞌ: ‘Canpitaso piyapinëhuëpita anishacancantërama niꞌton, Mispa ninanoquë pëcotan acoatë pochin ninamaꞌ. Taporo motopiquënta huënson acoatë pochin ninamaꞌ. Sitin motopianaquëpita noꞌpaꞌ ihuarahuatomaꞌ, pëcotan acoatë pochin ninamaꞌ. Ina marëꞌ anaꞌintaꞌhuanquëmaso yaꞌhuërin,’ tënahuë.

Hechos 13:47

Sinioro shaꞌhuitërincoi: “Quëmasoꞌ acoranquën nisha piyapiꞌsaꞌ aꞌchintaton anohuitancoso marëꞌ. Aꞌpintërëso pochin nanamëhuë anitotaran. Yaꞌipi parti paaton, piyapiꞌsaꞌ aꞌchintëraꞌpiapon chaꞌëcaiso marëꞌ,” itërincoi, tënin Paono.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

Jueces 4:10

Inaquë Paracosoꞌ sontaroꞌsa ayontonin. Saporono, Nipitari, inapita huëntonoꞌsa quëran, ayontonin. Niyontonpachinara, shonca huaranca sontaroꞌsa camaicaso marëꞌ ananirin. Tiporanta inarë chachin paꞌsarin.

Jueces 5:1

Inimicoroꞌsa minsërahuatona Tipora, Paraco, inapitaso iso pochin cantapi.

Jueces 6:35

Naporahuaton yaꞌipi Manasisi huënton sontaroꞌsa huëꞌsahuatonaꞌ, catahuacaiso marëꞌ comisionoꞌsa aꞌparin. Asiri, Saporono, Nipitari, inapita huëntonoꞌsanta huëcacaiso marëꞌ aꞌparin. Natanahuatonaꞌ, inahuanta Quitiono huëcapaipi.

Jueces 8:18

Ina quëran Quitionosoꞌ Sipa, Sarmona inapita natanin: —Taporo motopiquë quëmapiꞌsa tëparamasoꞌ: ¿Onpopinta niꞌtopi? itërin. —Quëma pochachin niꞌtopi. Copirno huiꞌninpita pochin aꞌnaya aꞌnaya niꞌtopi, itopi.

1 Samuel 10:3

Amasha aquëcha paꞌsahuaton, Taporo itopiquë cansaran. Inaquë aꞌnara insina nara yaꞌhuërin. Inaquë cara yaꞌpi nacapiaran. Inahuasoꞌ, Pitiri ninanoquë Sinioro chinotacaiso marëꞌ pantarapi. Aꞌnasoꞌ, cara chipo quëpararin. Aꞌnantaꞌ, cara pan quëpararin. Aꞌnantaꞌ, aꞌnara shaꞌhuëtë morsaquë huino taꞌpanpinan quëpararin.

1 Samuel 12:11

Ina niꞌton, Siniorori Quiropaaro, Quipiti, inapitaꞌton nichaꞌëinquëmaso marëꞌ acorin. Ina piquëran cantaꞌ, ina marë chachin acorinco. Inapotërainquëma niꞌton, canpitaso naꞌa piꞌipi noya yaꞌhuëramaꞌ.