Jueces 4:5 - Chayahuita (Shahui)

⁵ Inasoꞌ sanapi aꞌnara palmera tashinantërinquë yáhuënsërin. Huënsëyantërinquë niꞌton: “Tipora palmeranën,” itopi nohuitatonaꞌ. Iprain huënton israiroꞌsa noꞌpanën motopitontarinꞌpaꞌ yaꞌhuërin. Pitiri quëran Nama ninanoꞌpaꞌ ira paꞌninsoꞌ huáncana yaꞌhuërin. Israiroꞌsa nanan yaꞌhuëtohuachinara anoyatacaiso marëꞌ inaquë paapapi.

Jueces 4:5 ပူးပေါင်းရင်းမြစ်များ

Génesis 35:8

Nipica piyapinën Tipora itopisonta chiminpachina, inaquë chachin paꞌpitopi. Insina nara pirayan paꞌpitopi. Pitiri ninano yaꞌcariya, inapotopi. Cacopori inanta aninihuanin: “Naꞌnëiꞌ insina,” itërin.

Jeremías 31:15

Naquëranchin Sinioro taantarin: “Namaquë chiníquën naꞌnërarin natanahuë. Co napion ancantaton naporin. Naquira huaꞌhuinpita marëꞌ naꞌnërárin. ‘Ama sëtëquësohuëꞌ,’ itopirinahuëꞌ, huaꞌhuinpita chiminpi niꞌton, co natëtërinhuëꞌ.

Jueces 4:4

Naporo tahuëriꞌsa israiroꞌsasoꞌ, aꞌna sanapiri huaꞌanëntërin. Inasoꞌ, Tipora itopi. Inaso sanapi, Yosëri anitotërinso shaꞌhuinaꞌpi. Soꞌinsoꞌ, Napito itopi.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.