Jueces 4:23 - Chayahuita (Shahui)

²³ Inapotaton Siniorori Canaan copirno Capin itopisoꞌ atapanin. Israiro sontaroꞌsari sontaronënpita minsërin niꞌton, atapanin.

Jueces 4:23 ပူးပေါင်းရင်းမြစ်များ

Nehemías 9:24

Napotëranso chachin shinpitari Canaan noꞌpaꞌ huaꞌanëntopi huachi. Cananoꞌsari inaso noꞌpaꞌ huaꞌanëntopirinahuëꞌ, quëma nohuanton canapi. Inapotatona atapanpi. Naꞌa copirnoroꞌsa yaꞌhuëpirinahuëꞌ canapi. Nisha nisha piyapiroꞌsa nipirinahuëꞌ, canapi. Canarahuatonaꞌ, nohuantopiso nitopi.

Salmos 47:3

Israiroꞌsanpoasoꞌ ina catahuarinpoa niꞌton, nisha nisha nacionoꞌsa ataꞌhuantërëhuaꞌ. Inapita canatëhuaꞌ, nohuantërëhuaso nitërëhuaꞌ.

1 Corintios 15:28

Ina nohuanton, Quisocristo yaꞌipiya minsëarin. Nani minsëhuachina, inantaꞌ Yosë huiꞌnin niꞌton, paꞌpin natëmiatarin. Naporo quëran huarëꞌ Yosëáchin yaꞌipiya huaꞌanëntomiatarin.

Hebreos 11:33

Aꞌnaquën Yosë natëtonaꞌ, nisha nisha piyapiroꞌsaꞌ minsëpi. Aꞌnaquëontaꞌ huaꞌan yaꞌconatonaꞌ, noꞌtëquën huaꞌanëntopi. “Yosë shaꞌhuitërinpoaꞌ niꞌton, catahuarinpoaꞌ,” taꞌtonaꞌ, aꞌnaquën natëpi. Napoaton Yosëri catahuarin. Aꞌnaquënsoꞌ Yosë natëtonaꞌ, paꞌpiniꞌ quëran chaꞌëpi.

Jueces 4:22

Ina imaton Paraco canquihuachina, Cairiri nacapirahuaton itapon: —Quëmapi yonisaransoꞌ, huëquë aꞌnochinquën huachi, itërin. Napotahuaton nëꞌmëtë pëinënquëꞌpaꞌ poꞌmorin. Inaquë Sisara quënanconin. Motën papitopinan chimipi tantëtëárin quënanconin.

Jueces 4:24

Naporo quëran huarëꞌ israiroꞌsasoꞌ, Canaan copirno Capin itopisoꞌ, naꞌcon naꞌcon ahuëpi. Napotërapi quëran ataꞌhuantopi huachi.