Jueces 4:19 - Chayahuita (Shahui)

¹⁹ Naporoꞌ Sisarasoꞌ, yamoroton iꞌsha natantërin. Napotohuachina inasoꞌ, ohuaca shoꞌshoiꞌ shaꞌhuëtë morsaquë taparinsoꞌ manin. Iꞌshiritahuaton taꞌpanin. Ina quëran oꞌocaso marëꞌ quëtërin. Nani oꞌopachina, imotaantarin.

Jueces 4:19 ပူးပေါင်းရင်းမြစ်များ

Génesis 24:43

iso poso pirayan nontaranquënsoꞌ natanco. Apira shaꞌhuitohuatënquën inachachin niin tënahuë. Inso nanonsona, iꞌsha macapon oꞌmarinsoꞌ, cari natanpato: ‘Canta piꞌpiyan yonshanën quëran iꞌsha oꞌopainquën,’ ichi. Napotohuato: ‘Oꞌoquë api. Camiyonënpitanta machi oꞌoinaꞌ,’ ichinco. Ina quëran huaꞌanëhuë huiꞌnin marëꞌ sanapi huayonansoꞌ, nohuitarahuë,” itërahuë.

1 Reyes 17:10

Napotohuachina, inaso Saripitaquë paꞌnin. Ninano yaꞌcoanaquë canconahuaton, aꞌnara quëyoron ihuë masarin quënanconin. Përasahuaton itapon: —Yosë marëꞌ canta imoya, piꞌpian iꞌsha quëshico oꞌoi, itërin.

Isaías 41:17

Popriroꞌsaꞌ, sano piyapiroꞌsaꞌ, inapitaso iꞌsha yonípirinahuëꞌ, co quënanpihuëꞌ. Paꞌpi yamorotonaꞌ, yaniconopirapi. Napopirinahuëꞌ, ca Sinioroco niꞌto, catahuarahuë. Ca Yosënëmaco niꞌto, inapitanta co aꞌpoapohuëꞌ.

Juan 4:7

Caꞌtanoꞌsanënpitacoisoꞌ, ninanoquë paꞌnai cosharoꞌ paꞌanaꞌhuaiso marëꞌ. Paꞌnaisoꞌ, Samaria sanapi iꞌsha macapon huëꞌnin. Nani mapachina, Quisosori itapon: —Imoya, iꞌsha mananso cantaꞌ oꞌoi topirahuë, itërin.

Jueces 4:18

Cantonpachina, inari noyasha nontërin: —Huëquë yaꞌcointaquë imoya. Ama tëꞌhuaquësohuëꞌ, itërin. Yaꞌcoontahuachina, sahuanasaquë imotahuaton poꞌorin.

Jueces 4:20

Naporoꞌ Sisarari itapon: —Nëꞌmëtë pëinën yaꞌcoanaquë huanitaquëꞌ. Inso tëranta huëcaton: “¿Insha tëranta isëquë yaꞌhuërin? topachina: ‘Capa co yaꞌhuërinhuëꞌ,’ itëquëꞌ,” itërin.

Jueces 5:24

Cairiso nipirinhuëꞌ, aꞌnapita sanapiꞌsa quëran noya noya ninin. Inaporin niꞌton, noya yaꞌhuëcaso marëꞌ shaꞌhuitarahuë. Inasoꞌ, Ipiri saꞌin. Ipirinta Quini piyapi. Israiro nëꞌmëtë pëiroꞌsaquë naꞌa sanapiꞌsa yaꞌhuërin. Inapita quëran naꞌcon naꞌcon Cairisoꞌ, noya yaꞌhuëcaso marëꞌ shaꞌhuitarahuë.