Jueces 4:17 - Chayahuita (Shahui)

¹⁷ Naporo tahuëriꞌsa copirno Capinsoꞌ, Ipirirëꞌ noya ninicaton yaꞌhuërin. Quëmopinënpitarënta napopi. Shaꞌhuitëranquëmaso chachin Ipirisoꞌ, Quini piyapi ninin. Napoaton Sisarasoꞌ ina yaꞌhuërinquë taꞌarin. Ipiri saꞌin nëꞌmëtë pëinënquë huarëꞌ nincanin. Inasoꞌ sanapi Cairi itopi.

Jueces 4:17 ပူးပေါင်းရင်းမြစ်များ

Salmos 107:40

Yosëriso napoaponahuëꞌ, inapita anaꞌintaton, inotëroroꞌsaquë achihuërin.

Salmos 69:22

Napopiso marëꞌ anaꞌintëquëꞌ: Capatonaꞌ, oꞌotona capa cancantopirinahuëꞌ, ina quëran chachin nitapicancainaꞌ.

Amós 2:16

Ina tahuëri nanihuachin, chiníquën ahuëtonaꞌpi nicaponahuëꞌ, ahuëtacaiso marëꞌ ohuararinsopita tëꞌyatahuaton taꞌapon. Ca Sinioroco chachin noꞌtëquën shaꞌhuitaranquëmaꞌ,” tënin.

Jueces 4:16

Inapoaso Paracontaꞌ, sontaronënpitarë chachin inimico sontaroꞌsa imapi. Toronanoꞌsaquë paꞌnapiroꞌsanta Arosi-coimo ninanoquë huarëꞌ imapi. Naporo tahuëri Sisara sontaronënpita yaꞌipi tiquipi.

Jueces 4:18

Cantonpachina, inari noyasha nontërin: —Huëquë yaꞌcointaquë imoya. Ama tëꞌhuaquësohuëꞌ, itërin. Yaꞌcoontahuachina, sahuanasaquë imotahuaton poꞌorin.

Jueces 5:24

Cairiso nipirinhuëꞌ, aꞌnapita sanapiꞌsa quëran noya noya ninin. Inaporin niꞌton, noya yaꞌhuëcaso marëꞌ shaꞌhuitarahuë. Inasoꞌ, Ipiri saꞌin. Ipirinta Quini piyapi. Israiro nëꞌmëtë pëiroꞌsaquë naꞌa sanapiꞌsa yaꞌhuërin. Inapita quëran naꞌcon naꞌcon Cairisoꞌ, noya yaꞌhuëcaso marëꞌ shaꞌhuitarahuë.

Jueces 5:6

Anato huiꞌnin Samacaro itopi. Ina nanpiso tahuëriꞌsaꞌ, Cairi nanpiso tahuëriꞌsanta isopopi: Israiroꞌsa iratohuachinara, co tëquën iraroꞌsa paꞌtopihuëꞌ. Huëhuëpiro iranatëroꞌsa paꞌtopi. Ama inimicoroꞌsari quënanacaiso marëhuëꞌ napopi.