Jueces 4:16 - Chayahuita (Shahui)

¹⁶ Inapoaso Paracontaꞌ, sontaronënpitarë chachin inimico sontaroꞌsa imapi. Toronanoꞌsaquë paꞌnapiroꞌsanta Arosi-coimo ninanoquë huarëꞌ imapi. Naporo tahuëri Sisara sontaronënpita yaꞌipi tiquipi.

Jueces 4:16 ပူးပေါင်းရင်းမြစ်များ

Salmos 104:35

Oshahuanoꞌsa isoroꞌpaquë yaꞌhuëpisopitasoꞌ, taꞌhuanchinaꞌ. Yaꞌipi inpioroꞌsantaꞌ, copichinaꞌ. Yaꞌipi cancanëhuë quëran Sinioro chinotarahuë. Yaꞌipinquëmaꞌ: “¡Ma noyanquëncha quëmaso Sinioro paya!” itocoꞌ.

Éxodo 14:28

Yaꞌipi sontaroꞌsaꞌ, toronanënaꞌ, cahuarionënaꞌ, inapitarë chachin iiri imotërin huachi. Co aꞌnaya tëranta chaꞌërinhuëꞌ.

Isaías 43:17

Ina nohuanton panca sontaroꞌsa huënton ina paꞌtopi. Cahuarioroꞌsaꞌ, toronanoꞌsaꞌ, inapitarë chachin paꞌsapirinahuëꞌ, ataꞌhuantërin. Marë huancoanaiꞌ iiri imotohuachina, yaꞌipi taquiitopi. Nanparin tacopirinso pochin nipi.

Romanos 2:12

Iráca Moisësëri cotioroꞌsaꞌ pënënin nani maꞌsha natëcaisoꞌ. Cotioroꞌsaráchin pënënin. Co ina natëhuachinahuëꞌ, oshahuanpi. Ina marëꞌ Yosëri anaꞌintarin. Aꞌnapitaso nipirinhuëꞌ co pënëntërinsoꞌ nitotopihuëꞌ. Co nitotatonahuëꞌ, co ina natëcaisoꞌ yaꞌhuëpirinhuëꞌ. Co noyahuëꞌ nipachinaꞌ, anaꞌintarin chachin inahuantaꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Josué 10:10

Sinioro nohuanton amororoꞌsa paꞌpi paꞌyanpi. Inapohuachinara, Cosoisoꞌ sontaronënpitarë chachin, notohuaroꞌ amororoꞌsa tëpapi. Capaon ninano tancapitapirinahuëꞌ, inapotopi. Aꞌnaquën amororoꞌsaso taꞌapirinahuëꞌ, israiroꞌsari imapi. Piti-oron ninanoquë ira paꞌninso parti imapi. Aꞌnaquëonta Asica ninanoꞌ, Maquita ninanoꞌ, inapita ninanoroꞌsa yaꞌhuërinso parti huarëꞌ taꞌapi. Napopirinahuë israiroꞌsari imatona notohuaroꞌ tëpapi.

Jueces 4:17

Naporo tahuëriꞌsa copirno Capinsoꞌ, Ipirirëꞌ noya ninicaton yaꞌhuërin. Quëmopinënpitarënta napopi. Shaꞌhuitëranquëmaso chachin Ipirisoꞌ, Quini piyapi ninin. Napoaton Sisarasoꞌ ina yaꞌhuërinquë taꞌarin. Ipiri saꞌin nëꞌmëtë pëinënquë huarëꞌ nincanin. Inasoꞌ sanapi Cairi itopi.

Jueces 4:2

Napohuachinara, Sinioro nohuanton Canaan copirno Capin itopisori huëꞌsahuaton, canairin. Capinsoꞌ, Asoro ninanoquë huaꞌanëntërin. Yaꞌipi sontaronënpita camairinsosoꞌ, Sisara itopi. Inasoꞌ, Arosi-coimo ninano itopiquë yaꞌhuërin.