Jueces 2:22 - Chayahuita (Shahui)

²² Inapotaton Siniorosoꞌ, israiroꞌsa yonquipiso yanitotërin: “¿Shimashonëna pochin taꞌma isopitanta natëtonaco imaponaco to?” taꞌton napotërin.

Jueces 2:22 ပူးပေါင်းရင်းမြစ်များ

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

Salmos 66:10

Napoaton ina nontato: “Quëmasoꞌ Yosënëhuëinquën. Prata asoquirëso pochin tënirancoi.

Éxodo 15:25

Moisësëso nipirinhuëꞌ, Yosë nontërin. Inari catahuacaso marëꞌ nontohuachina, aꞌnara naraꞌhuaya aꞌnotërin. Ina masahuaton iꞌshaquë tëꞌyaitohuachina noyaitërin huachi. Inaquë Yosëri israiroꞌsa natëtonoꞌsa nicacaiso marëꞌ tënirin. Naporahuaton onpopinsona nicacaisoꞌ Yosëri pënënin:

Deuteronomio 13:3

Napotohuachinquëmaꞌ, ama natëtocosohuëꞌ: ‘¿Tëhuënchachin taꞌma yaꞌipi cancanëna quëran, yaꞌipi huaꞌyanëna quëran nosororinaco ti?’ taꞌton, Sinioro tëniarinquëmaꞌ.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

Jueces 2:23

Napoaton inapita nisha nisha piyapiroꞌsa co Siniorori yaꞌipi ocoirinhuëꞌ. Inapitasoꞌ co Cosoiri minsëcasoꞌ nohuantërinhuëꞌ niꞌton, inaquëranchin quëparitopi.