Jueces 2:20 - Chayahuita (Shahui)

²⁰ Napopiso marëꞌ Siniorori israiroꞌsa noꞌhuiton tapon: “Isopitasoꞌ, shimashonënapitarëꞌco anoyatërahuësoꞌ tapipi. Naporahuaton co yanatërinacohuëꞌ.

Jueces 2:20 ပူးပေါင်းရင်းမြစ်များ

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.

Jueces 2:14

Napoaton Siniorori israiroꞌsa noꞌhuirin. Noꞌhuiton ihuatëroꞌsa aꞌpatërin maꞌshanëna matacaiso marëꞌ. Naporahuaton yaꞌyoranpisopita inimicoroꞌsari huëcapaipi. Huëcapairahuatona ahuëpachinara, canaipi. Co nanitopihuëꞌ, chinitatona minsëcaisoꞌ.

Jueces 2:19

Napoaponahuëꞌ, ina huaꞌan chiminpachina, naquëranchin Sinioro aꞌpoantapi. Ina aꞌporahuatonaꞌ, mamanshiroꞌsa moshaantapi. Shimashonëna quëran aquë aquëtë co noyahuëꞌ nicoantapi. Inapoatonaꞌ, co natantonoꞌsahuë pochin cancantopi.