Jueces 2:19 - Chayahuita (Shahui)

¹⁹ Napoaponahuëꞌ, ina huaꞌan chiminpachina, naquëranchin Sinioro aꞌpoantapi. Ina aꞌporahuatonaꞌ, mamanshiroꞌsa moshaantapi. Shimashonëna quëran aquë aquëtë co noyahuëꞌ nicoantapi. Inapoatonaꞌ, co natantonoꞌsahuë pochin cancantopi.

Jueces 2:19 ပူးပေါင်းရင်းမြစ်များ

Génesis 6:11

Naporoꞌ yaꞌipi isoroꞌpaquë yaꞌhuëpisopita nitapicancanpi. Paꞌpi co noyahuëꞌ nicatonaꞌ, ahuëtacaisoráchin cancantopi. Napopiso Yosëri niꞌnin.

Nehemías 9:28

Napoaponahuëꞌ, noya yaꞌhuëantahuachinaꞌ, aꞌnaroáchin naniantaantarinën. Quëmari niꞌsápiranhuëꞌ, co noyahuëꞌ niantapi. Napoaton naquëranchin inimicoroꞌsari minsërahuatona aparisitaantapi. Parisitatona nontaantahuachinën, nosoroaton inápa quëran catahuantaran. Inimiconënpita quëran naꞌaro nichaꞌëran.

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Jeremías 23:17

Nanamëhuë nocanpisopita pënënpachinara: ‘Yaꞌipi ninamasopita noya pipitarinquëmaꞌ,’ itopi. Co noyahuëꞌ yonquipiso imapisopita pënënpachinarantaꞌ: ‘Co manta maꞌsha onpoaramahuëꞌ,’ itopi.

Mateo 23:32

Inapita pochin cancantatomaꞌ, co noyahuëꞌ nisaramaꞌ. Naꞌcon naꞌcon oshahuanaramaꞌ.

Deuteronomio 31:29

Carimaso ipora nani camairanquëmaꞌ, noꞌtëquën imacamaso marëꞌ. Napoaponahuë nani chiminpato, ina aꞌporahuatoma nitapicancanaramaꞌ. Ina marëꞌ aꞌna tahuëri Yosë anaꞌintatënquëma aparisitarinquëmaꞌ. Sinioro niꞌsápirinquëmahuëꞌ, co noyahuëꞌ nisarama niꞌton, chiníquën anoꞌhuitaramaꞌ,” itërin Moisësëri.

Josué 24:31

Israiroꞌsasoꞌ, Cosoi chiminaquë huarëꞌ Sinioroíchin chinotopi. Ansianoroꞌsa Siniorori catahuarinso niꞌpisopita chiminai huarëꞌ, inaíchin chinotopi.

Jueces 2:18

Inimiconënpitari aparisitahuachinara, israiroꞌsa tarëtatona naꞌnërápi. Naporoꞌ Siniorori nosororin. Ina nohuanton inapita catahuacaso marëꞌ huaꞌan huanirin. Ina nanpisoꞌ Siniorori catahuarin niꞌton, inimiconënpita quëran israiroꞌsa nichaꞌërin.

Jueces 2:20

Napopiso marëꞌ Siniorori israiroꞌsa noꞌhuiton tapon: “Isopitasoꞌ, shimashonënapitarëꞌco anoyatërahuësoꞌ tapipi. Naporahuaton co yanatërinacohuëꞌ.

Jueces 4:1

Ioto chimininso piquëran, israiroꞌsaso co noyahuëꞌ niantapi. Siniorori chachin niꞌsápirinhuëꞌ, napoantapi.

Jueces 8:33

Quitiono chimininso piquëran israiroꞌsasoꞌ, Sinioro aꞌpoantapi. Paaro mamanshi nisha nisha nonanpisoꞌ moshacaiso marëꞌ aꞌpopi. Napoatona mamanshi Paaro-piri itopiso naꞌcon naꞌcon moshacaiso marëꞌ huayonpi.

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.