Jueces 16:9 - Chayahuita (Shahui)

⁹ Coꞌhuara tonpoyátëraponhuëꞌ, caraya huiristinoꞌsa patoananënquë poꞌorin. Napoaton tënicaso marëꞌ chiníquën ochinanin: —¡Pashi tëquë Sanson! ¡Huiristinoꞌsa ahuëarinquën! itërin. Naporo inasoꞌ, capayatahuaton tonporinsoꞌ oshitërin. Oꞌsërinaꞌhuaya aꞌpërëso pochin nitërin. Napoaton huiristinoꞌsasoꞌ, co nitotopihuëꞌ onporahuatonsona chinirinsoꞌ.

Jueces 16:9 ပူးပေါင်းရင်းမြစ်များ

Jueces 15:14

Nii itopiquë canconpachinara huiristinoꞌsasoꞌ, capa cancantatona noncarorëꞌnachin nacapitapi. Capa cancantapirinahuëꞌ, Sinioro ispiritonëni Sanson yaꞌcoancantërin. Naporoꞌ tanpaquën, imirin, inapita tonpopisoꞌ oshitërin. Rino piꞌshi pënquë aꞌpërëso pochin nitaton oshitërin.

Jueces 16:10

Napoaton Tarirari itapon: —¡Niꞌquëchi nonpintëranco! Nonpintopirancohuëꞌ, iporasoꞌ tëhuënchachin noꞌtëquën shaꞌhuitoco huachi, itërin.

Jueces 16:7

—Canchisërin pëꞌchinan nonin co yaniyátërarinsohuëquë tonpohuachinaco, co huachi chiniarahuëꞌ. Piyapimia pochin nicato co huachi chiniarahuëꞌ, itërin Sansoni.

Jueces 16:8

Napotohuachina, inaso huiristino huaꞌanoꞌsa inachachin shaꞌhuitërin. Shaꞌhuitohuachina, inanapo pëꞌchinan nonin quëpatopi. Ina quëran Sanson ahuëꞌëtaton, inaquë noyá tonporin.