Jueces 16:7 - Chayahuita (Shahui)

⁷ —Canchisërin pëꞌchinan nonin co yaniyátërarinsohuëquë tonpohuachinaco, co huachi chiniarahuëꞌ. Piyapimia pochin nicato co huachi chiniarahuëꞌ, itërin Sansoni.

Jueces 16:7 ပူးပေါင်းရင်းမြစ်များ

Romanos 3:8

Aꞌnaquënta napopi: “Huëcoꞌ manta tërantaꞌ niahuaꞌ Yosë naꞌcon naꞌcon catahuainpoaso marëꞌ. Paono chachiontaꞌ ina pochin aꞌchintërinpoaꞌ,” topi pinotonaco. Co noꞌtëquën yonquipihuëꞌ niꞌton, napopisopita noꞌtëquën anaꞌintacasoꞌ yaꞌhuërin.

Gálatas 6:7

Niꞌcona sopai nonpintochinquëmaꞌ. Co Yosë tëhuacasoꞌ yaꞌhuërinhuëꞌ. Co insoari tërantaꞌ nanitërinhuëꞌ Yosë nonpintacasoꞌ. Noꞌtëquën yonquicoꞌ. Maꞌsha shaꞌpatëra, inachachin nitërin. Co nisha nitërinhuëꞌ.

Colosenses 3:9

Ama ninonpintocosohuëꞌ. Co noyahuëꞌ yonquiramasopita nani aꞌporamaꞌ niꞌton, co ina yonquicasoꞌ yaꞌhuërinhuëꞌ. Mocarinsoꞌ tëꞌyatërëso pochin iráca naporamasopita aꞌpoatomaꞌ, naniantomiatocoꞌ.

Jueces 16:10

Napoaton Tarirari itapon: —¡Niꞌquëchi nonpintëranco! Nonpintopirancohuëꞌ, iporasoꞌ tëhuënchachin noꞌtëquën shaꞌhuitoco huachi, itërin.

Jueces 16:6

Napotohuachinara, inariso Sanson itapon: —Shaꞌhuitoco: ¿Onpoatonta quëmaso napoin chiniran? Naporahuaton ¿Onpo tonpotohuatënquënta co huachi oquiaranhuëꞌ? itërin.

Jueces 16:8

Napotohuachina, inaso huiristino huaꞌanoꞌsa inachachin shaꞌhuitërin. Shaꞌhuitohuachina, inanapo pëꞌchinan nonin quëpatopi. Ina quëran Sanson ahuëꞌëtaton, inaquë noyá tonporin.

Jueces 16:9

Coꞌhuara tonpoyátëraponhuëꞌ, caraya huiristinoꞌsa patoananënquë poꞌorin. Napoaton tënicaso marëꞌ chiníquën ochinanin: —¡Pashi tëquë Sanson! ¡Huiristinoꞌsa ahuëarinquën! itërin. Naporo inasoꞌ, capayatahuaton tonporinsoꞌ oshitërin. Oꞌsërinaꞌhuaya aꞌpërëso pochin nitërin. Napoaton huiristinoꞌsasoꞌ, co nitotopihuëꞌ onporahuatonsona chinirinsoꞌ.

1 Samuel 19:17

Ina natanaton, Saonosoꞌ Micaro itapon: —¡Co poꞌpin nonpintatonco inimiconëhuë aꞌpaꞌitonhuëꞌ pora! ¿Onpoatonta naporan? itërin. —Coꞌsoꞌ aꞌpahuatancohuëꞌ, Yoscoarëꞌ tëparanquën itërinco niꞌton, naporahuë, itërin huiꞌnini.