Jueces 16:28 - Chayahuita (Shahui)

²⁸ Naporo inasoꞌ, chiníquën Yosë nontërin: “¡Sinioro nosoroco! Iporaíchin yonquirahuatonco catahuaco. Achiniantaco papoirayatërinacoso marëꞌ huiristinoꞌsa iꞌhuërëchi,” itërin.

Jueces 16:28 ပူးပေါင်းရင်းမြစ်များ

Salmos 116:4

Naporoꞌ Sinioro nontërahuë: “Nichaꞌëco Sinioro, ama chimiinsohuëꞌ,” itërahuë.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Jeremías 15:15

Ina quëran Yosë nontato itapo: “Sinioro. Quëmasoꞌ yaꞌipi nitotëran. Yonquirahuatonco catahuancoso marëꞌ huëquëꞌ. Aparisitërinacosopita ama tënoroatonhuëꞌ, iꞌhuërëtëquëꞌ. Inapita tënoroápatansoꞌ, tëpaponaco. Quëma natëranquënso marëꞌ naꞌcon noꞌhuirinaco.

Jonás 2:7

Nani yachiminasoco quëma Sinioro yonquiranquën. Catahuaancoso marëꞌ nontëranquënsoꞌ, chinotërainquënso pëi quëran natananco. Quëma pëinënsoꞌ, noyasáchin ninin.

2 Timoteo 4:14

Aricantëro huaꞌnaquë sacatërinsoꞌ chiníquën shaꞌhuirapirinco. Ina marëꞌ Siniorori anaꞌintarin.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.

Jueces 15:18

Naporahuaton Sansonsoꞌ paꞌpi yamororin. Yamoroton Sinioro nontërin: “Quëma catahuaranco niꞌton, ina nápo inimicoroꞌsa minsërahuë. Inaporahuë piquëransoꞌ, co ipora yamoro tëpaincoso nohuantëranhuëꞌ. Yamoro tëpahuachincosoꞌ, isopita piyapiroꞌsa nonëhuë tëhuaponaꞌ. Co marcahuanpirinahuëꞌ, nonëhuë tëhuaponaꞌ,” itërin.

Jueces 16:27

Yaꞌipi huiristino huaꞌanoꞌsa moshatacaiso pëiquë nisapi. Notohuaroꞌ huiristino quëmapiꞌsaꞌ, sanapiꞌsaꞌ, inapitanta yaꞌconpi. Aipi paꞌcotëquëntaꞌ, cara huaranca pochin huiristinoꞌsa nocotatonaꞌ, Sanson tëhuapiso costarápi.

Jueces 16:29

Napotahuaton moshatacaiso pëi achinirinsopita, cato tanpanquëranchin caririn. Carirahuaton piquëëconin.

Jueces 5:31

Ina pochin mini Sinioro yaꞌipi inimiconënpita taꞌhuanchinaꞌ. Nosororinënquënsopitaso nipirinhuëꞌ, huënaráchin huënaráchin yaꞌnoinaꞌ. Camotëchin piꞌi huënaratërinso pochin yaꞌnoinaꞌ, topi cantatonaꞌ. Naporo quëran huarëꞌ israiroꞌsa catapini shonca piꞌi noya yaꞌhuëantapi.