Jueces 16:27 - Chayahuita (Shahui)

²⁷ Yaꞌipi huiristino huaꞌanoꞌsa moshatacaiso pëiquë nisapi. Notohuaroꞌ huiristino quëmapiꞌsaꞌ, sanapiꞌsaꞌ, inapitanta yaꞌconpi. Aipi paꞌcotëquëntaꞌ, cara huaranca pochin huiristinoꞌsa nocotatonaꞌ, Sanson tëhuapiso costarápi.

Jueces 16:27 ပူးပေါင်းရင်းမြစ်များ

2 Samuel 11:2

Aꞌna tahuëri iꞌhuararahuasoꞌ, inaso chinotërin quëran huënsërin. Pëinën aipi nanpëontarahuaton, costatarin. Costatapon pochin nocotopirinhuëꞌ, aꞌnara sanapi quënanin. Inasoꞌ sanapi noyápiroyanchin. Iꞌiratënënquë amararin.

Josué 2:8

Nëhuëtonaꞌpiroꞌsa coꞌhuara huëꞌëshátërasoihuëꞌ, Nacaparisoꞌ nanpëontarahuaton itapon:

Jueces 16:26

Sansonsoꞌ, somaraya niꞌton, aꞌna huiꞌnapishari sëꞌquëaton quëntarin. Naporoꞌ ina huiꞌnapi itapon: —Moshatacaiso pëi achinirinsopita cato yaꞌhuëtërin. Inaquë pisanaꞌhuaso marëꞌ quëpatonco asëꞌhuaco, itërin.

Jueces 16:28

Naporo inasoꞌ, chiníquën Yosë nontërin: “¡Sinioro nosoroco! Iporaíchin yonquirahuatonco catahuaco. Achiniantaco papoirayatërinacoso marëꞌ huiristinoꞌsa iꞌhuërëchi,” itërin.