Jueces 16:25 - Chayahuita (Shahui)

²⁵ Naporápatona capa cancantopi. Capa cancantonënaquë: “Sanson macontaco tëhuahuaꞌ,” topachinara, tashinan pëi quëran ocoipi. Ocoirahuatona tëhuarápi. Niyontopiso pëisoꞌ, naꞌpi quëran niꞌton, achinicaso marëꞌ cato onëroꞌsa pochin yaꞌhuëtërin. Pëi huáncana acopi.

Jueces 16:25 ပူးပေါင်းရင်းမြစ်များ

Salmos 69:12

Naní quëran chinotárinaco. Ninano yaꞌcoanaroꞌsaquë huënsëpisopitantaꞌ, pinorinaco. Noꞌpirahuëroꞌsa quëran huarëꞌ, cantahuachinara aꞌpiantërinaco.

Salmos 69:26

Quëma nohuanton parisitopirahuëꞌ, ina inahuanta aparisitarinaco, tëhuarinaco, napotërinaco.

Mateo 27:29

Yancotëntaꞌ nahuan quëran nicatonaꞌ, ayancotopi. Ina quëran tëhuacaiso marë napotopi: —Maꞌtana huaranën maquë huachi, itatonaꞌ, piquiranan asëꞌquëëpi. Naporahuatonaꞌ ina notënanquë isonpi: —Huaꞌqui tahuëri nanpiton cotioroꞌsaꞌ huaꞌanëntëquëꞌ, itopi.

Hebreos 11:36

Aꞌnaquëontaꞌ Yosë imapi niꞌton, tëhuapi, huihuipi, catinaquë tonpopi, tashinan pëiquë poꞌmopi, napotopi.

Jueces 16:24

Ina nicatona aꞌnapita huiristinosantaꞌ, cantarapi. Cantatonaꞌ, mamanshinëna chinotopi. Napopi: “Mamanshinënpoa catahuarinpoa niꞌton, Sanson canarëhuaꞌ. Inasoꞌ inimiconënpoa niꞌton, shaꞌtërëhuasopita tapirin. Naporahuaton naꞌaquënpoa tiquirinpoaꞌ,” topi cantatonaꞌ.

Jueces 16:26

Sansonsoꞌ, somaraya niꞌton, aꞌna huiꞌnapishari sëꞌquëaton quëntarin. Naporoꞌ ina huiꞌnapi itapon: —Moshatacaiso pëi achinirinsopita cato yaꞌhuëtërin. Inaquë pisanaꞌhuaso marëꞌ quëpatonco asëꞌhuaco, itërin.