Jueces 16:23 - Chayahuita (Shahui)

²³ Aꞌna tahuëri huiristino huaꞌanoꞌsa niyontonpi. Sanson canapiso yonquiatonaꞌ, capa cancantacaiso marëꞌ niyontonpi. Naporahuaton, mamanshinëna Tacon itopisoꞌ chinotacaiso marëꞌ maꞌsharoꞌsa tëparapi. Capa cancantatona iso pochin cantarapi: “Sansonsoꞌ inimiconënpoa nipirinhuëꞌ. Mamanshinënpoa catahuarinpoa niꞌton, ina canarëhuaꞌ,” tosápi.

Jueces 16:23 ပူးပေါင်းရင်းမြစ်များ

Proverbios 24:17

Inimiconën maꞌsha onpohuachin: “Ma noyacha naporin paya,” ama tëquësohuëꞌ. Maꞌsha opohuachin, ama ina marëꞌ capa cancantëquësohuëꞌ.

Jeremías 2:11

¡Co inso nacionquë tërantaꞌ, yosënëna aꞌporahuatonaꞌ, aꞌna chinotaantapihuëꞌ! Inapitasoꞌ nonpin yosëroꞌsa imaponaraihuëꞌ, ¡co onporonta inapochinpihuëꞌ! Piyapinëhuëpitaso nipirinhuëꞌ, aꞌporinaco. Noya noya nipirahuëꞌ, mamanshiroꞌsa co manta catahuatopisopitahuëꞌ, imacaiso marëꞌ aꞌporinaco.

Miqueas 4:5

Nisha piyapiroꞌsasoꞌ, mamanshinëna natëpi. Canpoaso napoaponahuëꞌ: “Sinioroso Yosënënpoaꞌ,” taꞌtëhuaꞌ, inasáchin natëahuaꞌ.

1 Corintios 10:20

Nisha piyapiꞌsaso nipirinhuëꞌ mamanshi moshacaiso marëꞌ maꞌsha tëpahuachinara, co Yosë yonquipihuëꞌ. Sopairoꞌsaꞌ yonquipi. Co casoꞌ nohuantërahuëꞌ canpitantaꞌ sopairoꞌsaꞌ yonquicamasoꞌ.

Jueces 16:22

Napoaponahuëꞌ, ainënso naquëranchin aꞌshiantararin.

1 Samuel 31:9

Quënanahuatonaꞌ, Saonosoꞌ nishitëconotopi. Ahuëtacaso marëꞌ ohuararinsopitanta matopi. Inapotahuatonaꞌ, yaꞌipi yaꞌhuëpiquë nanan shaꞌhuicaiso marëꞌ sontaroꞌsa aꞌpapi. Aꞌpahuachinara, inahuaso mamanshi pëiroꞌsaquë shaꞌhuiconpi.