Jueces 16:22 - Chayahuita (Shahui)

²² Napoaponahuëꞌ, ainënso naquëranchin aꞌshiantararin.

Jueces 16:22 ပူးပေါင်းရင်းမြစ်များ

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

Jueces 16:21

Naporoꞌ huiristinoꞌsari mapi huachi. Masahuatona papoirayatopi. Ina quëran Casa ninanoquë quëpapi. Inaquë shaꞌpi huaꞌna catinaquë catinaquëtopi. Inapotahuatona tashinan pëiquë pëꞌsanto raꞌpi masho ohuërërápaso marëꞌ acopi.

Jueces 16:23

Aꞌna tahuëri huiristino huaꞌanoꞌsa niyontonpi. Sanson canapiso yonquiatonaꞌ, capa cancantacaiso marëꞌ niyontonpi. Naporahuaton, mamanshinëna Tacon itopisoꞌ chinotacaiso marëꞌ maꞌsharoꞌsa tëparapi. Capa cancantatona iso pochin cantarapi: “Sansonsoꞌ inimiconënpoa nipirinhuëꞌ. Mamanshinënpoa catahuarinpoa niꞌton, ina canarëhuaꞌ,” tosápi.