Jueces 16:15 - Chayahuita (Shahui)

¹⁵ Napohuachina, Tarirari itapon: —¡Quëmasoꞌ nonpintënquën! “Nohuantëranquën,” topatana, nonpiánan. Isoarëꞌ nani cararo monaranco. Inapoaton, chiniranso co yashaꞌhuitërancohuëꞌ, itërin.

Jueces 16:15 ပူးပေါင်းရင်းမြစ်များ

Génesis 29:20

Inapoaton Cacoposoꞌ Naquira marëꞌ canchisë piꞌipi sacatërin. Huaꞌqui sacatopirinhuëꞌ, Naquira paꞌpi nosoraoton, cara tahuëriíchin sacatërinso pochin cancantërin.

2 Samuel 16:17

Ina natanaton, Apësaroniso itapon: —Quëmarësoꞌ tata paꞌpi nipayarin topirahuë. Iporaso napoaponahuëꞌ, nisha cancantëran yaꞌnoran. ¿Onpoatonta co ina imaranhuëꞌ? itërin.

Proverbios 23:26

Cancantaton huaꞌhua, nanpirahuëso niꞌquëꞌ. Noya nicatonco nonanco.

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Juan 15:10

Tata Yosë noꞌtëquën natërahuë niꞌton, paꞌpi nosororinco. Inapochachin natëhuatamaco, carinquëmantaꞌ paꞌpi nosoroaranquëmaꞌ.

1 Juan 5:3

Yosë nosorohuatëhuaꞌ, pënëninpoasoꞌ noꞌtëquën natëarihuaꞌ. Catahuahuachinpoaꞌ, nanitaparëhuaꞌ.

Jueces 14:16

Napotohuachinara, sanapiso soꞌin paaparahuaton itapon: —Quëmaso co tëhuënchachin nosororancohuëꞌ. ¡Noꞌhuiranco tënahuë! Yaꞌhuërai capini ninaisopitarëꞌquën nicanaton, ninocaso nanan shaꞌhuitëran. Caso napoaponahuëꞌ, maꞌsona tapon naporansoꞌ, co shaꞌhuitërancohuëꞌ, itërin. —Tatahuë, mamahuë, co inapita tëranta shaꞌhuitërahuëꞌ. Aquëtë huarëꞌ quëmasoꞌ, co shaꞌhuitaꞌhuanquënso yaꞌhuërinhuëꞌ, itërin Sansoni.

Jueces 16:14

Inapotahuaton, aꞌsoninso nara aco acopo paꞌhuacorin. Inapotahuaton pasaantërin. Naporoꞌ chiníquën ochinaantarin: —¡Pashi tëquë Sanson! ¡Huiristinoꞌsa ahuëarinquën! itaantarin. Inaso napoaponahuëꞌ, capayatahuaton nara pasaantërinsoꞌ aꞌnanë chachin ocoirin. Napoaton huiristinoꞌsa patoanaquë Tarirari poꞌorinsoꞌ, co nanitopihuëꞌ macacaisoꞌ.

Jueces 16:16

Tarirarisoꞌ, inachin inachin natanárin. Nani oraquë pochin inachachin natanápachina, Sanson ami ami natanin. Napotárin niꞌton, chiminchináchin cancantërin.