Jueces 16:13 - Chayahuita (Shahui)

¹³ Naporoꞌ Tarirari itaantapon: —¡Iporanta nonpintaantaranco! Iporaso nipirinhuëꞌ, noꞌtëquën shaꞌhuitoco huachi, itërin. —Aꞌnantacaso marëꞌ ótënanquë, ainëhuë canchisë huënton nininsoꞌ sihuiantëquëꞌ. Inapotahuaton aꞌnan aꞌsonanso nara, aco acopo paꞌhuacorahuaton pasaantëquëꞌ. Inapotohuatanco, co huachi chiniarahuëꞌ. Piyapimia pochin nicato napoarahuë, itërin. Napotohuachina, Sanson ahuëꞌëtaantarin. Inapotahuaton, ainën canchisë sihuirin nininsoꞌ aꞌnantacaso marëꞌ ótëninsoarëꞌ, sihuiantërin.

Jueces 16:13 ပူးပေါင်းရင်းမြစ်များ

Jueces 14:17

Napotopirinhuëꞌ, saꞌinisoꞌ naꞌnëtárin. Canchisë tahuëri pita imapiso nápo chachin naꞌnëtárin. Napotápachina, Sansonso pita taꞌhuantërinso tahuëri maꞌsona tapon naporinso shaꞌhuitërin. Shaꞌhuitohuachina, inaso paꞌsahuaton, inahua capini nishaꞌhuitopi.

Jueces 16:10

Napoaton Tarirari itapon: —¡Niꞌquëchi nonpintëranco! Nonpintopirancohuëꞌ, iporasoꞌ tëhuënchachin noꞌtëquën shaꞌhuitoco huachi, itërin.

Jueces 16:12

Napotohuachina, ahuëꞌëtaantarahuaton nasha caporin manin. Inaquë tonporahuaton, chiníquën ochinaantarin: —¡Pashi tëquë Sanson! ¡Huiristinoꞌsa ahuëarinquën! itaantarin. Naporonta caraya huiristinoꞌsa patoananënquë nani poꞌorin. Sansonso napoaponahuëꞌ, capayatahuaton caporinoꞌsaquë tonporinsoꞌ oshitaantarin. Piꞌshirin oshitatë pochin nitërin.

Jueces 16:14

Inapotahuaton, aꞌsoninso nara aco acopo paꞌhuacorin. Inapotahuaton pasaantërin. Naporoꞌ chiníquën ochinaantarin: —¡Pashi tëquë Sanson! ¡Huiristinoꞌsa ahuëarinquën! itaantarin. Inaso napoaponahuëꞌ, capayatahuaton nara pasaantërinsoꞌ aꞌnanë chachin ocoirin. Napoaton huiristinoꞌsa patoanaquë Tarirari poꞌorinsoꞌ, co nanitopihuëꞌ macacaisoꞌ.