Jueces 15:8 - Chayahuita (Shahui)

⁸ Napotaton huiristinoꞌsa ahuëmiatërin. Inapotaton notohuaroꞌ tiquirin. Ina piquëran Itan natëtëana itopiquë paꞌsahuaton yaꞌhuëconin.

Jueces 15:8 ပူးပေါင်းရင်းမြစ်များ

Isaías 63:3

—Caoraíchin inimiconëhuëpita anaꞌintato opa toꞌpoirëso pochin ninahuë. Co insonta catahuarincohuëꞌ. Paꞌpi noꞌhuitato inimiconëhuëpita toꞌpi toꞌpitërëso pochin nitërahuë. Noꞌhuitonëhuëquë nipincatatë pochin nitato minsërahuë. Inapotërahuë niꞌton, huënainëna quëran panshoatërincosoꞌ, yaꞌipi aꞌmorahuëso sëꞌcotërin.

Isaías 63:6

Paꞌpi noꞌhuitërahuë niꞌton, nacionoꞌsa nipincatatë pochin nitërahuë. Noꞌhuitomiatato, ataꞌhuantërahuë. Huënainëna noꞌpaquë paꞌnin. Oꞌnanpachina paꞌirinso pochin ninin, itaantarinco inantaꞌ.

Hebreos 11:34

Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.

Jueces 15:10

Napohuachinara, inahuariso huiristinoꞌsa natanpi: —¿Onpoatonta iporaso huëcatoma yaahuëtaantaramaꞌ? itopi. —Sanson macapoi huëꞌnai. Ahuërincoi niꞌton, iꞌhuërëtaꞌhuaiso marëꞌ huëꞌnai, itopi huiristinoꞌsari.

Jueces 15:11

Ina natanatonaꞌ, cara huaranca Cota huënton sontaroꞌsari Sanson paapapi. Itan natëtëanataquë paaparahuatonaꞌ: —¡Huiristinoꞌsasoꞌ, canpoa quëran chini chiníquënoꞌsa nipisoꞌ, nani nitotëran! ¡Noꞌhuipirinënhuëꞌ isëquë huëcaton quiyanta naꞌintarancoi! itopi. —Canta maꞌsha onpotërinaco niꞌton, topinan iꞌhuërëtërahuë, tënin Sanson.

Jueces 15:7

Naporoꞌ Sansonsoꞌ taantarin: —Naporamaso marëꞌ ¡Yosë niꞌsárinco iꞌhuërëtaranquëmaꞌ! Inapotaꞌhuanquëma huarëꞌ tananpitaranquëmaꞌ, tënin.

Jueces 15:9

Huiristinoꞌsasoꞌ, israiroꞌsa huëcapaipi. Nii itopiquë huarëꞌ huëꞌpi. Inaquë nëꞌmëtë pëinëna ótënaꞌpiapi. Ina noꞌpasoꞌ, Cota huënton noꞌpanënquë yaꞌhuërin.