Jueces 15:20 - Chayahuita (Shahui)

²⁰ Sansonsoꞌ, cato shonca piꞌipi israiroꞌsa huaꞌanëntërin. Huiristinoꞌsari ina parti huaꞌanëntasoiꞌ, naporin.

Jueces 15:20 ပူးပေါင်းရင်းမြစ်များ

Génesis 49:16

‘Quëmaso Tano, quëmaora huëntonënquë yaꞌhuëpisopita catahuaran. Nanan yaꞌhuëtohuachinaꞌ, anoyatacaiso catahuaran. Aꞌnapita Israiro huëntonoꞌsa pochachin nisaran.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Jueces 13:1

Israiroꞌsasoꞌ, co noyahuëꞌ niantapi. Siniorori chachin niꞌsápirinhuëꞌ, napoantapi. Napopiso marëꞌ Siniorori huiristinoꞌsa catahuarin niꞌton, israiroꞌsa minsëpi. Minsërahuatona catapini shonca piꞌipi huaꞌanëntopi.

Jueces 13:5

Huaꞌhuanso coꞌhuara nasichátëraponhuëꞌ, Siniorori huaꞌanëntapon. Inaso co onporonta ayaꞌitaranhuëꞌ. Napoaton nasario nisarin. Ina mini huiristinoꞌsa huaꞌanëntërima quëran, nichaꞌëinquëmasoꞌ caniaritapon. Napoaton inasoꞌ, ina pochin nisarin,” itërin.

Jueces 16:31

Ina piquëran iyaꞌhuainpita, quëmopinënpita, inapita oꞌmapi. Nonën masahuatona paꞌpincoꞌ Manoa itopisoꞌ poꞌoronënquë poꞌmoonpi. Inasoꞌ poꞌoroꞌ, Sora ninano quëran Istaoro ninanoquë ira paꞌninsoꞌ huáncana yaꞌhuërin.

1 Samuel 4:18

Yosë caposonën osërëpisoꞌ natanahuaton, Iriso paꞌyanin. Paꞌyanënquë shiranën quëran ninantërarahuaton anotërin. Yaꞌcoana pirayan anotahuaton, yaꞌpoamotorin. Mashoya niponahuë amonën niꞌton, inapo chimintërin. Inaso huaꞌan yaꞌconin quëran huarëꞌ, catapini shonca piꞌipi israiroꞌsa catahuarin.