Jueces 15:18 - Chayahuita (Shahui)

¹⁸ Naporahuaton Sansonsoꞌ paꞌpi yamororin. Yamoroton Sinioro nontërin: “Quëma catahuaranco niꞌton, ina nápo inimicoroꞌsa minsërahuë. Inaporahuë piquëransoꞌ, co ipora yamoro tëpaincoso nohuantëranhuëꞌ. Yamoro tëpahuachincosoꞌ, isopita piyapiroꞌsa nonëhuë tëhuaponaꞌ. Co marcahuanpirinahuëꞌ, nonëhuë tëhuaponaꞌ,” itërin.

Jueces 15:18 ပူးပေါင်းရင်းမြစ်များ

Génesis 32:31

Piꞌi pipiriahuasoꞌ, Pinoiro quëran huëꞌsarin huachi. Catantëntaquëchin, tonaransë notohuëtërin niꞌton, sonpariarin.

2 Samuel 1:20

Amana Cato ninanoquë ina nanan shaꞌhuicosohuëꞌ. Asocaron cachiroꞌsaquëntaꞌ, ama ina nitochinasohuëꞌ. Huiristino sanapiꞌsa nitotatona capa cancantohuachinaꞌ. Inpio sanapiroꞌsa niponaraihuëꞌ, capa cancantohuachinaꞌ.

Juan 19:28

Quisoso nontahuatoncoi: “Nani yaꞌipi Yosë shaꞌhuitërincosoꞌ natërahuë,” tënin yonquinënquë. Ina quëran, Yosë quiricanënquë ninorinso nanicaso marëꞌ: —Yamororahuë, tënin.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Jueces 14:3

Napotohuachina paꞌpin, aꞌshin, inapitari: —¡Yasaꞌapatan co huiristino sanapi yonicaso yaꞌhuërinhuëꞌ! Inapitasoꞌ, co canpoa pochin Yosë chinotopihuëꞌ. ¡Naꞌcon nanoꞌsa canpoa huëntonënpoaquë yaꞌhuërin! Aꞌnapita Israiro huëntonoꞌsaquënta yaꞌhuërin, itopi. Napotopirinahuëꞌ, Sansonso tapon: —Ina mini nipirinhuëꞌ, inaso nanon paꞌpi nohuantomiatërahuë. Napoaton ina macaꞌhuaso marëꞌ anoyatomacoꞌ, itaantarin.

Jueces 15:17

Ina quëran mora cohuiratë tëꞌyatërin. Napoaton ina noꞌpasoꞌ: Namato-nii, itopi.

Jueces 16:28

Naporo inasoꞌ, chiníquën Yosë nontërin: “¡Sinioro nosoroco! Iporaíchin yonquirahuatonco catahuaco. Achiniantaco papoirayatërinacoso marëꞌ huiristinoꞌsa iꞌhuërëchi,” itërin.

Jueces 8:4

Quitionosoꞌ, cara pasa sontaronënpitarë chachin Cortaniiꞌpaꞌ camapi. Inimicoroꞌsa imasápatona paꞌpi canotaponaraihuëꞌ, pëntoantapi.

1 Samuel 17:26

Napopisoꞌ, co Tapi nataninhuëꞌ. Co natanatonhuëꞌ, aꞌnapita sontaroꞌsa natanin: —Canpoasoꞌ, Yosë nanpiárin nininso imarëhuaꞌ. Ina catahuarinpoa ahuëtarëhuaꞌ. Paso huiristinosoꞌ, co ina chinotërinhuëꞌ. ¡Napoaton co piꞌpian tëranta ina pochin noꞌhuiinpoaso yaꞌhuërinhuëꞌ! Insosona ina tëpaton taparo nitarinpoasoꞌ acopitohuachinaꞌ: ¿Maꞌta copirnori quëtapon? itërin.

1 Samuel 17:36

Paꞌpiniꞌ nisapirinhuëꞌ, tocaniꞌ nisapirinhuëꞌ, inapotato tëparaꞌpiarahuë. Paso huiristinonta co Yosë chinotaponahuëꞌ, naporinso marëꞌ inapotarahuë. Canpoasoꞌ, Yosë nanpiárin nininso imarëhuaꞌ. Ina sontaronënpoapita nipirëhuahuëꞌ noꞌhuirinpoa niꞌton, tëpaarahuë.