Jueces 14:5 - Chayahuita (Shahui)

⁵ Inapoaton Sansonsoꞌ, Timina ninanoquë paꞌmarin. Paꞌpin, aꞌshin, inapitarë chachin anoyatacaso marëꞌ paꞌmarin. Ninano yaꞌcariꞌ, oparoroꞌsa yaꞌhuërin. Inaquë Sansonso yaꞌconahuaton, opa cayarinso yonisarin. Yonisoꞌ, paꞌpiniꞌ huiꞌnapishini përantahuaton niitërin.

Jueces 14:5 ပူးပေါင်းရင်းမြစ်များ

Salmos 91:13

Paꞌpiniroꞌsaꞌ, yaꞌhuanoꞌsaꞌ, panca maꞌsharoꞌsaꞌ, inapita huáncana noya paꞌsarëhuaꞌ.

Jeremías 2:15

Paꞌpiniꞌ yamapintohuachina, përaantahuaton niitërin. Inapochachin israiroꞌsantaꞌ, inimiconënpitari nitërin. Inapotatona yaꞌipi noꞌpanëna tapitopi. Ninanonënapitantaꞌ, pënquë ahuiquitëraꞌpiapi. Napoaton tanahuantárin acopi.

Hebreos 11:33

Aꞌnaquën Yosë natëtonaꞌ, nisha nisha piyapiroꞌsaꞌ minsëpi. Aꞌnaquëontaꞌ huaꞌan yaꞌconatonaꞌ, noꞌtëquën huaꞌanëntopi. “Yosë shaꞌhuitërinpoaꞌ niꞌton, catahuarinpoaꞌ,” taꞌtonaꞌ, aꞌnaquën natëpi. Napoaton Yosëri catahuarin. Aꞌnaquënsoꞌ Yosë natëtonaꞌ, paꞌpiniꞌ quëran chaꞌëpi.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

Jueces 14:4

Naporo tahuëriꞌsa huiristinoꞌsari israiroꞌsa huaꞌanëntapi. Napoaton Sinioro nohuanton Sansonsoꞌ huiristino sanapi yamanin. Oshaquëranchin huiristinoꞌsa ahuëcaso marëꞌ yamanin. Paꞌpin, aꞌshin, inapitasoꞌ: “Sinioro nohuanton napoarin,” co topihuëꞌ. Co inaora tëranta ina nitotërinhuëꞌ.

Jueces 14:6

Naporoꞌ Sinioro ispiritonëni noyá yaꞌcoancantërin. Yaꞌcoancantohuachina, paꞌpiniꞌ manin nicaso chipoaꞌhua onoatë pochin nitërin. Co maꞌsha tëranta sëꞌquëaponahuëꞌ napotërin. Napoaponahuë naporinsoꞌ, co paꞌpin, aꞌshin, inapita shaꞌhuitërinhuëꞌ.