Jueces 14:17 - Chayahuita (Shahui)

¹⁷ Napotopirinhuëꞌ, saꞌinisoꞌ naꞌnëtárin. Canchisë tahuëri pita imapiso nápo chachin naꞌnëtárin. Napotápachina, Sansonso pita taꞌhuantërinso tahuëri maꞌsona tapon naporinso shaꞌhuitërin. Shaꞌhuitohuachina, inaso paꞌsahuaton, inahua capini nishaꞌhuitopi.

Jueces 14:17 ပူးပေါင်းရင်းမြစ်များ

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

Copo naporinso' 2:9

Naporoꞌ saꞌini itapon: —Noyasáchin nicaponahuëꞌ poꞌsáran niꞌquëhuarëꞌ, Yosë noꞌhuirahuaton aꞌpoquëꞌ. Inaporahuaton, chiminchanquë huachi, itërin.

Proverbios 7:21

Ina pochin yáshin nontaton, huiꞌnapi anohuantërin.

Jeremías 9:3

Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Lucas 11:8

Nipayarinsoꞌ niponahuëꞌ, co nohuantopiriontaꞌ, naquëranchin naquëranchin nitantahuachina, huënsëintarahuaton, quëtapon.

Jueces 14:16

Napotohuachinara, sanapiso soꞌin paaparahuaton itapon: —Quëmaso co tëhuënchachin nosororancohuëꞌ. ¡Noꞌhuiranco tënahuë! Yaꞌhuërai capini ninaisopitarëꞌquën nicanaton, ninocaso nanan shaꞌhuitëran. Caso napoaponahuëꞌ, maꞌsona tapon naporansoꞌ, co shaꞌhuitërancohuëꞌ, itërin. —Tatahuë, mamahuë, co inapita tëranta shaꞌhuitërahuëꞌ. Aquëtë huarëꞌ quëmasoꞌ, co shaꞌhuitaꞌhuanquënso yaꞌhuërinhuëꞌ, itërin Sansoni.

Jueces 14:18

Naporo tahuëri chachin coꞌhuara piꞌi yaconyátërasohuëꞌ, inahuaso Sanson paaparahuatona itoonpi: “Ninoíchin yaꞌipi quëran cashi cashinsoꞌ. Paꞌpiníchin yaꞌipiya quëran chini chiníquënsoꞌ,” itoonpi. Napotohuachina Sansonso tapon: “Ohuaca nanon chiníquën niꞌton, catahuarinpo noꞌpaꞌ ohuërërëꞌ. Ina pochachin canpitantaꞌ coꞌsoꞌ saꞌahuë shaꞌhuitërinquëmahuëꞌ naporini, maꞌsona tapo naporahuësoꞌ co noꞌtëquën shaꞌhuichitomacohuëꞌ,” itërin.

Jueces 16:13

Naporoꞌ Tarirari itaantapon: —¡Iporanta nonpintaantaranco! Iporaso nipirinhuëꞌ, noꞌtëquën shaꞌhuitoco huachi, itërin. —Aꞌnantacaso marëꞌ ótënanquë, ainëhuë canchisë huënton nininsoꞌ sihuiantëquëꞌ. Inapotahuaton aꞌnan aꞌsonanso nara, aco acopo paꞌhuacorahuaton pasaantëquëꞌ. Inapotohuatanco, co huachi chiniarahuëꞌ. Piyapimia pochin nicato napoarahuë, itërin. Napotohuachina, Sanson ahuëꞌëtaantarin. Inapotahuaton, ainën canchisë sihuirin nininsoꞌ aꞌnantacaso marëꞌ ótëninsoarëꞌ, sihuiantërin.

Jueces 16:16

Tarirarisoꞌ, inachin inachin natanárin. Nani oraquë pochin inachachin natanápachina, Sanson ami ami natanin. Napotárin niꞌton, chiminchináchin cancantërin.

Jueces 16:6

Napotohuachinara, inariso Sanson itapon: —Shaꞌhuitoco: ¿Onpoatonta quëmaso napoin chiniran? Naporahuaton ¿Onpo tonpotohuatënquënta co huachi oquiaranhuëꞌ? itërin.