Jueces 14:16 - Chayahuita (Shahui)

¹⁶ Napotohuachinara, sanapiso soꞌin paaparahuaton itapon: —Quëmaso co tëhuënchachin nosororancohuëꞌ. ¡Noꞌhuiranco tënahuë! Yaꞌhuërai capini ninaisopitarëꞌquën nicanaton, ninocaso nanan shaꞌhuitëran. Caso napoaponahuëꞌ, maꞌsona tapon naporansoꞌ, co shaꞌhuitërancohuëꞌ, itërin. —Tatahuë, mamahuë, co inapita tëranta shaꞌhuitërahuëꞌ. Aquëtë huarëꞌ quëmasoꞌ, co shaꞌhuitaꞌhuanquënso yaꞌhuërinhuëꞌ, itërin Sansoni.

Jueces 14:16 ပူးပေါင်းရင်းမြစ်များ

Génesis 2:24

Napoaton quëmapi saꞌapachin, paꞌpin, aꞌshin inapita patahuaton, saꞌinëꞌ nichinpitacaso yaꞌhuërin. Catoyaꞌpi nipirinahuëꞌ, aꞌnaíchin pochin nipi huachi.

Jueces 14:17

Napotopirinhuëꞌ, saꞌinisoꞌ naꞌnëtárin. Canchisë tahuëri pita imapiso nápo chachin naꞌnëtárin. Napotápachina, Sansonso pita taꞌhuantërinso tahuëri maꞌsona tapon naporinso shaꞌhuitërin. Shaꞌhuitohuachina, inaso paꞌsahuaton, inahua capini nishaꞌhuitopi.

Jueces 16:15

Napohuachina, Tarirari itapon: —¡Quëmasoꞌ nonpintënquën! “Nohuantëranquën,” topatana, nonpiánan. Isoarëꞌ nani cararo monaranco. Inapoaton, chiniranso co yashaꞌhuitërancohuëꞌ, itërin.

Jueces 16:16

Tarirarisoꞌ, inachin inachin natanárin. Nani oraquë pochin inachachin natanápachina, Sanson ami ami natanin. Napotárin niꞌton, chiminchináchin cancantërin.