Jueces 14:10 - Chayahuita (Shahui)

¹⁰ Sanson paꞌpinsoꞌ shiin nicapon paꞌmarin. Inachintopi niꞌton, nasha miꞌsë nichinapon chachin Sansonsoꞌ pita ninin. Canchisë tahuëri marëꞌ pita ninin. Inatohuaso nimapachinara, ina nápo tahuëri pita imapi.

Jueces 14:10 ပူးပေါင်းရင်းမြစ်များ

Génesis 29:22

Napotohuachina Napanosoꞌ yaꞌipi yaꞌhuërin pirayan yaꞌhuëpisopita, amatërin. Cacopo saꞌarinquë pita nicacaso marëꞌ amatërin.

Juan 2:9

Orinan quëran mapirinahuëꞌ, pita huaꞌansoꞌ co nitotërinhuëꞌ. Inpriatoroꞌsaráchin nitotopi. Iꞌsharáchin taꞌpanpirinahuëꞌ, nani huino taranin. Napoaton piꞌnirahuaton, saꞌanaꞌpi amatërin.

Apocalipsis 19:9

Ina quëran anquëni shaꞌhuitërinco ninshitaꞌhuaso marëꞌ: “Carniroaꞌhua saꞌacasoꞌ pita nininquë përapachinquëmaꞌ, nóya cancantaramaꞌ,” itërinco. Ina quëran itaantarinco: “Yosë chachin noꞌtëquën shaꞌhuitërinquën niꞌton, ina ninshitëquëꞌ,” itërinco.

Jueces 14:11

Ina pochin pitaquësoꞌ saꞌanaꞌpi caꞌtanacaso marëꞌ naꞌa huiꞌnapiꞌsari caꞌtanin. Napoaton cara shonca huiristino quëmapiꞌsari Sanson caꞌtanpi.