Jueces 13:8 - Chayahuita (Shahui)

⁸ Ina natanaton, Manoaso Sinioro nontaton itapon: “Sinioro, piꞌpian nonchinquën topirahuë. Saꞌahuë nontërinso quëmapi, naquëranchin aꞌpatiimantaco. Huaꞌhuasha nasitarinsoꞌ, maꞌsona onpotaꞌhuaiso anitochincoi,” itërin.

Jueces 13:8 ပူးပေါင်းရင်းမြစ်များ

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

Jueces 13:11

Manoasoꞌ saꞌinë chachin paꞌsahuaton quënanconin. Quënanconahuaton itapon: —¿Quëmana iꞌhua saꞌahuë yaꞌnotëran? itërin —Ca mini, itërin quëmapiri.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 13:6

Ina natanaton, sanapiso soꞌin shaꞌhuitapon paꞌnin: “Aꞌnara quëmapi Yosëri aꞌpaimarinso huëcapairinco. Sinioro anquëninën chachin yaꞌnorin niꞌton, paꞌpi paꞌyantërahuë. Co cariso natanahuëꞌ, nininën. Co inantaꞌ, shaꞌhuitërincohuëꞌ.

Jueces 13:7

Quëmapiaꞌhua yaꞌhuëtiincoso shaꞌhuitërinco: ‘Ina marëꞌ co huino oꞌocamaso yaꞌhuërinhuëꞌ. Co maꞌsha tëranta sairinsoꞌ, oꞌocamaso yaꞌhuërinhuëꞌ. Naporahuaton Yosë huayontërinquëmasoráchin nininsoꞌ, caꞌsaran. Ina huaꞌhuashasoꞌ, coꞌhuara nasichátëraponhuëꞌ Sinioronquën nisarin niꞌton, nasario nisarin. Chiminaquë huarëꞌ co ayaꞌitaponhuëꞌ,’ itërinco,” itërin.

Jueces 13:9

Yosëri Manoa aꞌpaniton anquëninën aꞌpaimantarin. Saꞌin inaoráchin iminquë niꞌsoꞌ yaꞌnotaantarin. Ina nicaton sanapisoꞌ taꞌarëꞌnachin soꞌin shaꞌhuitapon paꞌnin: —¡Isochi! ¡Quëmapi iꞌhua yaꞌnotërincoso yaꞌnotaantarinco! itërin.