Jueces 13:6 - Chayahuita (Shahui)

⁶ Ina natanaton, sanapiso soꞌin shaꞌhuitapon paꞌnin: “Aꞌnara quëmapi Yosëri aꞌpaimarinso huëcapairinco. Sinioro anquëninën chachin yaꞌnorin niꞌton, paꞌpi paꞌyantërahuë. Co cariso natanahuëꞌ, nininën. Co inantaꞌ, shaꞌhuitërincohuëꞌ.

Jueces 13:6 ပူးပေါင်းရင်းမြစ်များ

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 32:29

—Iporasoꞌ quëmantaꞌ nininën shaꞌhuitoco, itërin Cacopori. Napotopirinhuëꞌ, inariso itapon: —Co quëmasoꞌ nininëhuë natanancoso yaꞌhuërinhuëꞌ, itërin. Ina quëran inaquë chachin Cacopo noya yaꞌhuëcaso marëꞌ shaꞌhuitërin.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

2 Reyes 4:9

Napoápachina sanapisoꞌ soꞌin itapon: —Niꞌquëꞌ. Quëmapi yániꞌninposoꞌ, pënëntonaꞌpi. Inasoꞌ, Yosë marëáchin pënëntërin tënahuë. Paꞌa aꞌnara patoana, pëi aipi nitaꞌa. Inapotahuatëꞌ, pëꞌsara, misa, shira, nanparin, inapita acotaꞌa. Napohuatë nicaponpo huëꞌpachin, inaquë huëꞌëpaponpoꞌ, itërin. Napoatona nitopi.

Éxodo 3:2

Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 9:29

Yosë nontasoꞌ, nisha pochin yaꞌnorin. Aꞌmorinsontaꞌ huënaráchin huënaráchin ninin. Huiri huiríchin.

Hechos 6:15

Ina quëran huaꞌanoꞌsari Istipan niꞌsapi. Niꞌsapirinahuëꞌ, yaꞌpirin anquëni pochin huënaráchin niꞌtërin.

Deuteronomio 33:1

Moisësësoꞌ, Yosëri anitotërinso shaꞌhuinaꞌpi. Coꞌhuara chimiyantërasohuëꞌ, israiroꞌsa noya yaꞌhuëcaiso marëꞌ shaꞌhuitaton iso pochin shaꞌhuitërin: “Sinai motopiquë niꞌsëhuaꞌ, Sinioro huëcapairinpoaꞌ. Itomo motopiroꞌsa parti quëran huarëꞌ, piꞌi aꞌpininso pochin, noya nicacasoꞌ anitotërinpoaꞌ. Paran ninano motopiroꞌsa quëran huarëꞌ, huënaratërinso imaquirëhuaꞌ. Ina naꞌhuëtahuaton, Miripa-Catisë quëran huarëꞌ noya quëninpoaꞌ. Inchinan quëran sëꞌquëatë pochin, pënëntërinso nanan quëshirinpoaꞌ. Chiníquën nanantërin niꞌton, naporo panca pën niꞌnëhuaꞌ.

1 Timoteo 6:11

Quëmaso nipirinhuëꞌ api Yosë imaran niꞌton, ama coriquiráchin yonquiquësohuëꞌ. Noya nicacasoáchin yonquiquëꞌ. Cancanën quëran huarëꞌ Yosë chinotëquëꞌ. “Inasoꞌ nosoroatonco, catahuarinco,” taꞌton, noya natëquëꞌ. Naporahuaton, yaꞌipi piyapi nosoroquëꞌ. Maꞌsha onpoaponahuëꞌ, chiníquën cancantëquëꞌ. Sano piyapi niquëꞌ.

Apocalipsis 1:17

Ina niꞌsahuato, paꞌyanahuë. Chimipi pochin anotërahuë. Nantën pirayan anotopirahuëꞌ, inchinan quëran sëꞌhuarahuatonco, nontërinco. —Ama tëꞌhuatocosohuëꞌ. Casoꞌ iráca quëran huarëꞌ yaꞌhuërahuë. Co onporontaꞌ taꞌhuantarahuëꞌ.

Jueces 13:22

Naporoꞌ saꞌin itapon: —Yosë chachin canposo quënanatëꞌ, tëhuënchachin chiminarëꞌ, itërin. Napotopirinhuëꞌ: —Co ipora napoarihuëꞌ. Sinioro yatëparinpo naporini, chipoaꞌhua, tricoroꞌmo, inapita yaꞌipi ahuiquitërësoꞌ, co maꞌpaitonpohuëꞌ. Niꞌnësopitantaꞌ, co aꞌnochitonpohuëꞌ. Maꞌpitaso nicacasonta co shaꞌhuichitonpohuëꞌ, itërin saꞌini.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 13:7

Quëmapiaꞌhua yaꞌhuëtiincoso shaꞌhuitërinco: ‘Ina marëꞌ co huino oꞌocamaso yaꞌhuërinhuëꞌ. Co maꞌsha tëranta sairinsoꞌ, oꞌocamaso yaꞌhuërinhuëꞌ. Naporahuaton Yosë huayontërinquëmasoráchin nininsoꞌ, caꞌsaran. Ina huaꞌhuashasoꞌ, coꞌhuara nasichátëraponhuëꞌ Sinioronquën nisarin niꞌton, nasario nisarin. Chiminaquë huarëꞌ co ayaꞌitaponhuëꞌ,’ itërinco,” itërin.

Jueces 13:8

Ina natanaton, Manoaso Sinioro nontaton itapon: “Sinioro, piꞌpian nonchinquën topirahuë. Saꞌahuë nontërinso quëmapi, naquëranchin aꞌpatiimantaco. Huaꞌhuasha nasitarinsoꞌ, maꞌsona onpotaꞌhuaiso anitochincoi,” itërin.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

1 Samuel 2:27

Naporo tahuëriꞌsa aꞌnara pënëntonaꞌpi Iri huëcapairahuaton itapon: “Iráca shimashonënpita Iquipito noꞌpaquë yacapatopi. Iquipito copirnori piyapitaton asacatërin. Naporoꞌ, aꞌninquëchin inapita nohuitërinaco.

1 Samuel 9:6

Napotohuachina inari itapon: —Niꞌquë patron. Iso ninanoquë aꞌnara pënëntonaꞌpi yaꞌhuërin. Inasoꞌ maꞌsona topachina ina inachachin ninin. Napoaton naní quëran natëpi. Huëquë inatohua paꞌa. Tapona maꞌsona nicacasoꞌ noꞌtëquën anitotápirinpohuëꞌ, itërin.