Jueces 13:3 - Chayahuita (Shahui)

³ Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Jueces 13:3 ပူးပေါင်းရင်းမြစ်များ

Génesis 17:16

Inanta noya nicato catahuararahuë niꞌton, huaꞌhuanarin huachi. Tëhuënchachin cari noya nicato inapotarahuë. Naꞌa nacionoꞌsaꞌ, ina quëran pipiponaꞌ. Ina quëran pipipisopita aꞌnaquënsoꞌ, copirno yaꞌconaponaꞌ, itërin.

Génesis 18:10

Naporoꞌ aꞌnari itapon: —Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin. Napoasoi Sarasoꞌ, yaꞌipi nonpisoꞌ natanárin. Apraan pinën quëran, nëꞌmëtë pëi acoana, yaꞌcoana pirayan natanárin.

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Lucas 1:11

Naporoꞌ acohuana Sinioro anquëninëni yaꞌnotimarin. Misaꞌhuaya inchinan quëran huanitimarin.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Jueces 13:15

Manoasoꞌ, quëmapi yaꞌnorinso co nohuitërinhuëꞌ: “Isoso Sinioro anquëninën,” co taꞌtonhuëꞌ, itapon: —Ama pataquësohuëꞌ. Chipoaꞌhua tëparahuato anpiriꞌi caꞌa topirahuë, itërin. —Quëparitopirahuë tëranta co quëma cosharonën caꞌpaitënquënhuëꞌ. Napoaponahuëꞌ, chipoaꞌhua tëpahuatan nanitëran Sinioro marëꞌ yaꞌipi ahuiquitacasoꞌ, itërin anquëniri.

Jueces 13:6

Ina natanaton, sanapiso soꞌin shaꞌhuitapon paꞌnin: “Aꞌnara quëmapi Yosëri aꞌpaimarinso huëcapairinco. Sinioro anquëninën chachin yaꞌnorin niꞌton, paꞌpi paꞌyantërahuë. Co cariso natanahuëꞌ, nininën. Co inantaꞌ, shaꞌhuitërincohuëꞌ.

Jueces 13:8

Ina natanaton, Manoaso Sinioro nontaton itapon: “Sinioro, piꞌpian nonchinquën topirahuë. Saꞌahuë nontërinso quëmapi, naquëranchin aꞌpatiimantaco. Huaꞌhuasha nasitarinsoꞌ, maꞌsona onpotaꞌhuaiso anitochincoi,” itërin.

Jueces 2:1

Sinioro anquëninënso Quiricaro quëran pipirahuaton, Poquimo itopiquë pantarin. Inaquë cancontarahuaton, israiroꞌsa itapon: “Carinquëma Iquipito noꞌpaꞌ quëran ocoiranquëmaꞌ. Ocoirahuatënquëmaꞌ, iso noꞌpaquë quënanquëmaꞌ. Iso noꞌpasoꞌ, shimashonëmapita nani shaꞌhuitërahuë quëtaꞌhuanquëmaso marëꞌ: ‘Caso Yosëco niꞌto, iso noꞌpaꞌ shiparimapita quëtarahuë,’ itërahuë. Ina quëran canpitanta shaꞌhuitëranquëmaꞌ: ‘Canpitaroꞌco anoyatërahuësoꞌ co onporonta nishataponhuëꞌ. Canpitanta napoaponahuëꞌ, ama Canaanquë yaꞌhuëpisopitarëꞌquëmaꞌ, anoyatocosohuëꞌ. Mamanshi moshacaiso marëꞌ artaroroꞌsa nipisoꞌ ataꞌhuantocoꞌ,’ itëranquëmaꞌ. Napotopiranquëmahuëꞌ, canpitaso co natëramacohuëꞌ. Co natëtatomahuëꞌ paꞌpi noꞌhuípiro ninamaꞌ.

Jueces 6:14

Napotohuachina Siniorori niꞌsarin quëran itapon: —Matianoꞌsa aparisitarinquëmaꞌ. Napoaponahuëꞌ, quëmari inapita quëran quëmopinënpita nichaꞌëquëꞌ. Chiníquënquën niꞌton, nanitapapon. Carinquën chachin camaiaranquën, itërin.

1 Samuel 1:20

Ina nohuanton cayorin huachi. Tahuëri nanihuachina quëmapiaꞌhuaya huairin. Nininën nohuitaton Samoiro itërin. Sinioro natanaton huaꞌhuaninso marëꞌ ina pochin nohuitërin.